بيقولوا الجواز مشروع أجتماعى فاشل و مفيش حد سعيد فى حياته الزوجية

عشان كدة هننشر العلاقات الناجحة الطبيعية و الموجودة و اللى عمرنا بنسمع عنها

عشان الناس دى صوتها مش عالى، اللى بيشتكى طول الوقت هو اللى صوته عالى

قصة (3) من زوج
القصه بدات واحنا في تالته جامعه بعد ما كنا مع بعض في فريق بيقدم خدمه للمجتمع زي محو الاميه والتوعيه

شوقتها وبدات احيها وكانها بنتي فعلا من اول يوم وانا شايفها بنتي اللي مسؤل عنها بحب 
قررت اتقدملها وانا لسه مش معايا اي حاجه كانت الشقه لسه يادوب كام عمود بس

والحمد لله وافقوا وعملنا الشبكه اول ما انخرجنا وربنا رزقني بشغل 
وبداني نبني الشقه طوبه طوبه سوا ولينا في كل حته فيها ذكري من اننا نختار الوانها وديكوراتها وكل حاجه بمعني الكلمه 
انا شايف سر الجواز الناجح الحب اللي بدون مقابل كنا دايما نتفق ان اللي قادر يدي ويحب يدي

ومفيش سؤال مين بيحب التاني اكتر كنت عايز اشوفها احسن واحمل واروع بنوته في الدنيا

كنت اخليها تتكلم عشان اسمع احلامها واحققهالها
وكان من احلامها انها تكمل دراسه وتبقي دكتوره في الجامعه والحمد لله بعد ما اتجوزنا جالها منحه

انها تاخد الماجيستير والفتره دي كانت حامل كنت في الفتره دي كنت عامل عمليه واخد اجازه

كنت بشيل بنتنا وهي بتذاكر واغيرلها وتقعد معايا لغايه ما تيجي من الجامعه او تخلص مذاكره

والحمد لله اخدت الماجيستير ومعانا بنتنا وكانت اجمل سنه في حياتنا
احنا لسه متحوزين بقالنا سنتين واربع شهور وكان كل اما حد يقابلنا كانه بيدخل معانا

في تحدي اللي يقول هو اول كام شهر وهتبداوا تزهقوا واللي يقوب مع اول بيبي واللي يقول لا اول سنه
وهكذا بس الحمد لله مكملين وان شاء الله نكمل العمر كله
وطبيعي كان بيحصل مشاكل بس مع الحب والتفاهم كانت الامور بتهدي وبنرجع زي الاول واحسن

لاننا شايفين اننا مش داخلين حرب ولا مين الاقوي والاحسن الغلطان بيطبطب

واللي مش غلطان بيحتوي والدنيا ماشيه الحمد لله طالما الحياه ما بين الاتنين الدنيا بتهدي بسرعه محدش يعرف اسرارنا ولا مشاكلنا
اسرار السعاده بردو الحريه المتبادله والثقه عارفه ساعات بيكون الموقف يدل علي حاجه وحشه

بس ما ازعلش ويكون الرد انتي ( حبيبتى) الكلمه دي قد ايه بتعلي اللي قدامك وتخليك دايما أد ثقته
اللي هو انا عارف انك ما تقصدش بس كده
و نصيحتى بالجواز ثم الجواز ثم الجواز الجواز سكن ورحمه وموده وهدوء واحتواء

نسيت اقول اننا اصحااااب جدا جدا جدا وده من اكتر اسباب نجاح جوازنا اننا صحاب وعايشين في حياه من صنع ايدينا وخيالنا.

ملحوظة : كل علاقة ليها ظروفها الخاصة كل علاقة ناجحة ننشرها خدى منها اللى يفيدك و المش مناسب ليكى

خلاص المهم تعرفى فى زواج ناجح و انك لازم تجتهدى فى علاقتك.
يلا بينا ندعى ربنا يبارك للأزواج اللى شاركوا معانا و يديم عليهم المودة و الرحمة و السكن

و يرزقك السعادة فى زواجك حتى لو ظروف زواجك مختلفة.

يا ريت تجمعى القصص دى و تحطيها قدامك دائماً عشان تبدئى تشوفى النماذج الناجحة بدل النماذج الفاشلة

اللى بتبقى قدامك طول الوقت و بنتأثر بيها.

جرعة نور – نور البكري