- ليه اتنين بيعملوا نفس الحاجة و النتيجة بتكون مختلفة؟
الأجابة: النية.
أة و الله النيه.
بنت ممكن تدخل علاقة مع شخص و تتعامل بحب و كويس جدا و تفشل.
و بنت تانية ممكن تدخل علاقة مع نفس الشخص و تتعامل بحب و كويس جدا و تنجح.
ليه الأولى فشلت و التانية نجحت مع انهم ممكن يكونوا اتعاملوا بنفس المعاملة و الأحساس؟
لأن الأولى جواها فكرة سلبية ممكن تكون - (الرجالة مبتقدرش- كل لما تحبيه يبعد عنك-
- الرجالة بيحبوا البنت المغرورة اللى بتتقل بزيادة –
- مفيش حد بيحب اوى غير لما ينجرح أوى-
- و هكذا على حسب الفكرة السلبية اللى جواها)
- فالنية هنا مش متظبطة بسبب فكرة سلبية
البنت التانية بكل بساطة حطة نيه مثلا - (ما جزاء الإحسان إلا الإحسان – لما هتحب بصدق هيترد لك الحسنة جزائها بعشر أمثالها
- و هكذا من فكرة ايجابية
فهى دخلة العلاقة بنفس صافية و نية كويسة.
أية الدليل أن النية و الفكرة الداخلية بتفرق؟
(أن الله لا يغير ما بقوم حتى يغيروا ما بأنفسهم)
هنا ربنا قال (حتى يغيروا ما بأنفسهم)مذكرش الفعل.
لييييه؟
لأن مجرد ما بتغير النية و الفكرة أوتوماتيك تصرفاتك و أفعالك بتتغير.
و لو أنت تصرفاتك و أفعالك كانت كويسة + نية كويسة= تصرفات و أفعال مريحة.
لأن ممكن أفعال و تصرفات كويسة + نية سيئة = تصرفات و أفعال غير مريحة - ممكن تستثير أسوء ما فى الطرف الآخر
أية رائكوا نجرب النهاردة موضوع النية ?
أختارى تعملى حاجة كويسة+تظبطى النية تكون كويسة قبل ما تعمليها و شوفى النتيجة.
ان شاء الله تجربى فى حاجة بسيطة خالص.
جربى هتخسرى حاجة؟؟؟؟؟
لعل قرأتك الكلام دة رسالة ليكى لتظبيط ما فى نفسك ?
جربى و أوعدك مش هتندمى - جرعة نور – نور البكري
نُشر فيِ
بقلم نـور البكـري
