10 حاجات لما تحصل مشكلة مع شريك حياتنا لازم نفكر فيها ؟
أولاً : نفكر نحلها أزاى مش مين اللى غلطان.
ثانياً : أعرف ليه المشكلة بتحصل؟
ثالثاً : أزاى ممكن أحل السبب بتاع المشكلة مش من ناحية الطرف الآخر بس من ناحيتى أنا كمان؟
رابعاً : أبدء أحط خطوات أية اللى ممكن أنا أعمله عشان مساهمش فى حدوث المشكلة مرة تانية ؟
خامساً : لو أنا غلطان ببدأ أعتذر للطرف الأخر و لو هو اللى غلطان ببدأ أعبر عن مشاعرى.
سادساً : أزاى أخلى المشكلة دى متتكررش تانى؟
سابعاً : أعرف هى المشكلة لما بتحصل بنبقى عايزين نوصل لأية و نبدأ نشوف نوصله أزاى من غير خناق.
ثامناً : أتعلمت أية من المشكلة دى؟
تاسعاً : المشكلة دى عرفتنى أية عن نفسى و عن شريك حياتى ؟
عاشراً: أزاى المشكلة دى ممكن تقربنا من بعض أكتر؟
دالوقتى ممكن نغير فكرة أن فى مشكلة يبقى علاقتنا أدمرت و مصيبة
بل بالعكس المشاكل ممكن نستفاد منها فى أننا نفهم بعض أكتر ونعرف أحتياجاتنا و نقرب أكتر 
مشاكل أكتر يعنى فهم أكتر للعلاقة يعنى قرب أكتر
جرعة نور – نور البكري
