الراجل يعني بطل و اللي لا يرتقي لمكانة بطل مش راجل

أو راجل بس مش هو دة اللي تقرري تكملي معاه حياتك

يعني اية بطل؟

مفيش بطل بيأذي الناس و اخلاقة زفت بطل يعني عنده أخلاق و مكرس حياته لإنقاذ الناس في مجاله 
مش البطل اللي يقعد يقول كلام حلو اتفهه و أرخص حاجة الكلام

البطل بنشوف اخلاقة و مشاعره و حتى حبه في تصرفاته مش شوية كلام تافه
مش البطل اللي يبص لك بغريزته بس اي كلب في الشارع ممكن يبص لك بالطريقة دي

البطل بيبص لك بغريزته و قلبه و عقله و روحه
البطل مبيرجعش في كلمته اللي بيرجع في كلمته أو ميوفيش بوعده دة لسه عيل صغير

مش متحمل مسئولية لسه سبيه يكبر و بعد كدة تاخده غيرك انتي اتجوزي بطل

البطل يعني حد تستنجدي بي في أي لحظة يكون في ظهرك يحميكي ينقذك مش يسيبك في عز احتياجك لي

البطل مشغول بنجاحاته و بيشاركك دة مش تكوني قطعة اكسسوار في حياته تعرفي عنه نفس اللي يعرفه السايس عنه

البطل بيضعف و يقع و اول حاجة يجري على حضنك يستقوي بي و يقوم تاني أقوى من الاول بكتير

البطل بيروي مشاعرك و يحتويكي ميسبش فرصة لواحد تانى يشبع عندك فراغات هو سايبها

بطل يعني عنده ثقة في نفسه و الأكبر عنده ثقة فيكي فالشك ملهوش مكان في قلوبكوا

البطل بيحترم أحلامك و كيانك و اهتماماتك و بيشاركك شغفك

متتجوزيش غير بطل و لما تلقيه كوني الأنثى اللي تستحقة و تقدر تخلي دائما بطل

جرعة نور – نور البكري