أربع تعاملات مش معناها أنه مش بيحبك و لكن
التعامل الأول
أنه بيسمع أكثر مما يشارك بشكل كبير فى الحوار.
أنتى : أية يا حبيبى مبتردش عليا ليه ؟
هو: بفكر.
الحوار عبارة أنتى تتكلمى و هو يرد بصمته 
.
التعامل التانى
تواصله قليل بالمكالمات التليفونية و ردوه بكلمات قليلة فى الشات.
أنتى : حبيبى وحشتنى قولى بقى عملت أية أمبارح و هترجع من الشغل أمتى و هنعمل أية بكرة.
هو : الحمدالله
.
التعامل الثالث
الصبح أول ما يصحى تبدأى تتحاورى معاه ميردش عليكى أو يغضب.
أنتى : صباح الفل الجميل يحب يفطر أية ؟ دة أنا حلمت حلم أمبارح مخيف.
هو : ………….. و التكشيرة على وشة و لو رد هيقول بصوت رخيم غاضب (أفوق الأول).
.
التعامل الرابع
بيقضى وقت طويل مستغرق فى أفكاره أكتر من الخروج و التواصل معاكى.
أنتى : حبيبى يلا نخرج مع صحابنا.
هو : هو كل يوم خروج أنا حابب أقعد أقرأ (و أنتوا تكونا مخرجتوش من أسبوع)
الحقيقة أن شريك حياتك مش فكرة مش بيحبك و لكنه أنطوائى.
و أنطوائى الناس بتعتقد أنه مرض و لكنه طبيعة شخصة.
أصحاب الشخصية الأنطوائية
– بيفضلوا يقضوا وقت أكبر مع ذاتهم و يستغرقوا فى الأفكار أكتر من التواصل مع الآخرين.
– بيحبوا يتواصلوا مع الآخرين بس دة بيسحب طاقتهم فبعد فترة بينسحبوا عشان يكونوا لوحدهم عشان يشحنوا.
– مش بيحبوا يتكلموا الصبح أول ما بيصحوا لأنهم بيحتاجوا وقت عشان يكونوا مستعدين للتواصل.
– بيسمعوا أكتر ما بيتكلموا لأنهم بيتفكروا فى كل اللى بيسمعوا و بيحللوا كويس
و ردهم بطئ نتيجة أن لازم يفكروا كتير قبل ما يستجيبوا أثناء الحوار.
و دة لا علاقة له بالمشاعر أبداً اللى يمتلكها الشخص تجاه شريك حياته
و لكن علاقة بطبيعتة الخاصة اللى بيتعامل بها أثناء العلاقة.
psychology todayالبوست أفكاره مستوحاه من
جرعة نور – نور البكري
