خطوة مهمة جداً هتساعدك فى أكتشاف الشخص مناسب ليكى للزواج و لالا.
حطى معاييرك اللى أنتى عيزاها فى العلاقة و على أساسها تقررى الشخص مناسب ليكى و لالا.
مثلاً :
-بتحبى الأهتمام بتفاصيلك و هو مبياخدش باله.
– بتحبى المدح و هو بينتقدك بصفة دائمة.
-أو عايزة حد يكون سند ليكى و كل المواقف مبيقفش جنبك.
أعرفى أنتى عايزة أية من العلاقة و على أساسه بتحددى أكمل و لالا.
طيب فى حالة أن فى حاجات خارج المعايير اللى حطاها.
ساعتها بكل صدق تسألى نفسك هتتقبليها و لالا.
لأن طبيعى ممكن الشخص ميتفقش مع كل المعايير اللى حطاها.
فهنا أهم حاجة (التقبل).
هل على المدى الطويل هتقبل و لالا.
و على المدى الطويل يعنى هتحطى كل السلبيات اللى ممكن تتعرض لها بسبب عدم وجود المعيار دة.
يعنى مثلاً:
-بتحبى المدح و بينتقدك بصفة دائمة.
هل هتتقبلى و هتكونى أنتى قوية من ناحية النقد و هتشتغلى على نفسك أنتى أنك متتأثريش كل لما ينتقدك.
– لو هتتقبلى تمام يبقى تقدرى تستغنى عن معيار مهم بالنسبة لك فى العلاقة.
– مش هتتقبلى متظلميش نفسك و تظلميه بأنك طول الوقت هتكونى رفضاه و رفضه تصرفاته معاكى.
مفيش حد كامل بس المهم مدى تقبلنا لشكل و عدم كمالية الآخر.
حطى معاييرك و قيسى التقبل
