عارفين الشخص اللى بيقعد يشتم و يلعن فى الناس على النت من ورا الشاشات بحريه
هما نفسهم زمايل شغلك و قرايبك و صحابك اللى انت شايفهم محترمين و لطفاء
لكن عشان أحنا بنخاف من الرفض أننا نكون منبوذين من المجتمع و من اللى حوالينا،
فأى شخص بيحاول يبين أجمل ما عنده و اجمل من اللى مش عنده
الشخص دة مش بيكذب لكن بيتجمل من أجل أن يبقى فى safe side
عاوز يحس بالقبول فبيعيش حاجة غير نفسه
فاول ما يبقى ورا شاشة يبداء يطلع النص الاسود اللى جواه
و طبعا بما أنه بيمثل طول الوقت و كابت نصه الأسود فبالتالى النص دة لما بيطلع بيطلع بشراسه
لأنه كان مقيد طول الوقت تحت قناع المثالية .
طيب أية دخل دة فى الجواز ؟
متتجوزهوش غير لما تكونى شفتى كل وشوشه
شفتى الحلو و الوحش و شفتى ما تحت القناع
اوعى تتجوزى واحد مشفتيش الجانب المظلم اللى جواه
(الجانب المظلم مش شرط شتيمة او عصبية زيادة أو غيره )
لكن لكل شخص جانب مظلم لو واحد مش ظاهر الجانب دة فيه تماما
اعرفى أنك لسه معرفتهوش خصوصا لو شخص بيدعى المثالية بزيادة
حاولى تشوفى علاقته بأهله بصحابه بزملائه بأخواته و ال history بتاعه
وطبعا كومنتاته على النت هتقول كتير
لأن أسوء نوع شخص ممكن ترتبطى به “النوع المقنع”
(قدام الناس بيبقى حمادة و لما بيرجع بيته لمراته بيبقى حمادة تانى خالص)
و الأهم من كل دة اطلبى من ربنا المودة و الرحمة و السكن
و الشخص اللى يقدر يعينك على تحقيق دة من الجواز
و الأهم خليكى أنتى حقيقية و عيشى نفسك عشان زوجك اللى من نفسك يكون زيك عايش نفسه
اللى لابسة قناع مصيرها بيكون مع اللى لابس قناع حتى لو كل واحد بيستخدم أقنعة مختلفة
بأختصار عيشى نفسك و اتجوزى شخص حقيقى عايش نفسه
#نور_البكري
#جرعة_من_جرعات_نور
#للأنوثة_وعلاج_العلاقات
نُشر فيِ 28-فبراير-2019
بقلم Amr
