لو شايفة مفيش جوازة ناجحة أقرى القصة دى

مش عارفه ابدا منين .. قصة جوازتى او حبنا بدات من وانا صغيره اوى كنت ف ثانوى

وكان كل الناس بتقولى دا حب مراهقه ومش هيكمل .. كنت ف ثانيه ثانوى ومجموعى كان احبطتنى

وجاتلى حاله اكتئاب وهو ابن خالتى . لما شافنى ف الحاله دى قالى قلبى وجعنى وانا مش عارف ليه

عمل المستحيل عشان يخرجنى من الاكتئاب كان بيبنى شقته ولما طلعت اتفرج عليها وبقول رائ

قالى ماهى شقتك ابقى اعملى فيها اللى انتى عايزاه ميعرفش قال كدا ليه ولا انا .. ارتبطنا بعدها بفتره

وقولتله انا لازم اعرف امى انى يكلمك قالى لا انا اللى هعرفها كلمها وقالتله خلى الخطوبه بعد ماتخلص ثانوى

وفعلا بعدها اهله اتقدمولى رسمى لكن حصلت مشاكل ع شبكه وماديات وللاسف انا كنت سلبيه جدا يمكن عشان كنت صغيره 

بعدنا 4 شهور ورجع تانى كلمنى وقال لمامتى كل اللى انتى عايزاه هعمله .
استحمل منى كتير وعلمنى اكتر دايما بقوله انا اتربيت ع ايدك .
اتخرجت واتجوزنا كان سندى وضهرى طول الوقت عمره مااستحمل عليا حاجه وعمره مازعلنى

ولو زعلنى بيراضينى ف وقتها عمل عشانى كتير شالنى ف عز ضعفى وتعبى

سندنى ف كل خطوه ف حياتى هو جنتى ف الدنيا ورضا ربنا عليا 
احنا دلوقت بقالنا 4 سنين متجوزين و9 سنين مع بعض ويارب العمر كله

وكل يوم بحبه اكتر من اللى قبله ربنا يباركلى فيه ويباركلنا ف ولادنا.

قصة (6) 

يا ريت تجمعى القصص دى و تحطيها قدامك دائماً عشان تبدئى تشوفى النماذج الناجحة

بدل النماذج الفاشلة اللى بتبقى قدامك طول الوقت و بنتأثر بيها.

جرعة نور – نور البكري