البنت اللى أتعرضت للأهمال طول الوقت خصوصاً فى طفولتها
أول حد هنتجذب له بطريقة غير واعية شخص هيهملها طول الوقت
دة أية سببه
فى علم النفس فى نظرية كدة.
لما بيحصل خلل فى العلاقة بين علاقتنا و أحد الوالدين و خصوصاً البنت بالأب.
البنت بتحاول تكرر نفس التجربة عشان تحل الخلل دة جواها.
طيب و الحل ؟
أولاً الأدراك عليه عامل 80ً% من الحل
ثانياً أبدئى أشبعى أحتياجك للأهتمام من خلال نفسك
(بأنك تهتمى بيها بالشكل اللى تحبيه)
لو الأهتمام أنك تخرجى نفسك أعملى دة.
لو الأهتمام أنك تبدئى تسمعى صوت نفسك و عايزة اية و بتحب أية أعمليه
(لو مش بيأذيكى)
و هكذا المهم قدمى دة من خلال حاجات بالنسبة لك أهتمام.
ثالثاً شوفى أهتمام اللى حواليكى و أستقبليه
ساعات اللى حوالينا بيبقوا مهتمين بس أحنا مش بنركز غير على اللى بيهملنا
رابعاً أتصالحى مع الأهمال اللى مريتى بى
(هو دو كان فترة من حياتك)
و جت عشان تتعلمى منها حاجة و بسبب النقطة دى مريتى بتجارب تانية جت علمت حاجة
و دة اللى خلاكى الشخصية اللى أنتى عليها دلوقتى
و اللى ليها مميزاتها و عندها تجارب كتير أتعلمت منها
خامساً أفتكرى أن الدنيا فترة و هتعدى
عشان كدة عيشى و أنتى مطلقة سراح الذكريات السلبية
عشان الوقت أقصر بكتير من أنى أفضل محبوسة فيها
قومى و أعملى ذكريات جديدة خاصة بيكى مليانة حب و أهتمام
و لو قابلتى أشخاص مش هيقدموا دة ليكى أبعدى عنهم
و عيشى فى دائرة مليانة ناس قادرة تقدم لك دة
و زى ما قولت لك هما موجودين بس أنتى مش مركزة معاهم
سادساً لو معرفتيش تعملى دة لوحدك
حاولى تستعينى بصديقة بس تكون عقلة توجهك دائماً لما تنجذبى للنوعية دى
أو أستعينى بمتخصص يساعدك لتخطى و تظبيط الجزئية دى
المهم أبدئى من دالوقتى و لو بخطوة صغيرة
عشان لما ربنا هيشهد على أنك عزمتى التغيير
و الله هيفتح لك كل الطرق و الوسائل اللى تساعدك و تكون مناسبة ليكى و لمرحلتك 
ربنا يسعد قلوبكوا و أيامكوا كلها و قلبك دائماً يكون محاط بالحب و الرعاية و الأهتمام
جرعة نور – نور البكري
