البنت اللى بتجذب كل الرجالة ليها فى المقابل اللى مبتعرفش تجذب أى حد

فى مسلسل

Gossip girl

فى شخصيتين

شخصية سيرينا : البنت اللى الرجالة كلها بتنجذب ليها و كل شوية تدخل فى علاقة جديدة

شخصية بلير : اللى طول حياتها مرتبطتش غير بأتنين و كانوا أصدقائها من الطفولة

و لما بتفترق عن اللى مرتبطة بى مبتعرفش تخرج حتى مع شخص تانى

.

يا ترى أية السبب هل بلير وحشة أو قليلة و سيرينا أجمل منها ؟

القصة كلها بتتمحور حوالين تربية كل شخصية فيهم و اللى مروا بى

 سيرينا أتربت بعيد عن باباها و مامتها كانت متعددة العلاقات بردوا و كل شوية تتجوز واحد و تطلق

شخصية أتربت فى جو زى دة لازم كانت علاقاتها تكون متعددة لكذا سبب 

الأول : بعدها عن باباها اللى سبهم مخليها طول الوقت بطريقة غير واعية عايزة تحس أنها مقبولة

من الجنس الآخر و دة حتى بيظهر فى لبسها و بعض تصرفاتها اللى فيها لفت للأنتباه طول الوقت

بالأضافة أن أى شخص بيظهر لها قبوله ليها كأنثى كانت بتجرى عليه و بتقربه منها

السبب التانى : مامتها متعددة العلاقات فطبيعى الأبنة أحياناً بتسلك نفس سلوك الأم

القدوة حتى لو رفضاه بشكل غير واعى

السبب الثالث : أنها كانت عندها مشكلة ثقة أن حد يقرب منها و كانت بتدفع كل الرجالة ينفصلوا عنها

بسبب أنها كانت بتخبى جزء من الحقيقة دائماً و دة مكنش بيريح الشخص الآخر

فكانت بتنفصل كتير و تروح ترتبط بعدها

السبب الرابع : أختياراتها كانت سيئة جداً دائماً و معندهاش معايير أن الشخص دة مناسب أو لا،

الأرتباط بالشخص دة صح و لالا ؟

كانت بترتبط بأى حد يدخل حياتها حتى لو نصاب أو مش من نفس فكرها أو

.

 أما بلير كانت متربية مع باباها و كانت مرتبطة بى جداً و بتحبه و مامتها كانت موجودة

بس كانت مشغولة معظم الوقت و عوضت مكان مامتها شوية المربية بتاعتها

و برغم أن معندهاش ثقة فى نفسها و دة فى الغالب راجع أن مامتها كانت دائماً بتفضل الشغل عليها

لكن مكنش عندها جزء انها عايزه تحس بالقبول من الجنس الآخر

فمكنتش بتبالغ بتصرفاتها أو حتى مظهرها عشان تلفت أنتباههم

و برغم ذكائها الشديد و تفوقها كانت مش ذكية أجتماعيا

و مبتعرفش تتعامل بلطف فدة كان بيصعب أن حد يتقرب منها

و برغم كل دة ألا أنها لما بتدخل علاقة عاطفية كانت بتعرف تتعامل مع حبيبها

بتعرف تكون حنينه عليه و بتديه الدعم

الفكرة أنها صعبة فى أن حد يرضيها أو يدخل حياتها لكن مجرد ما بتسمح

للشخص المناسب ليها الدخول هى بتتحول و بتكون فى منتهى الأنوثة و النعومة و التفهم و العطاء و الدعم.

لا و كمان بتكون شخص أفضل مع الشخص اللى اختارته

الفكرة هنا مش بتتقاس ليه واحده بتجذب رجاله ليها كتير و بنت لا

الفكرة هى بتجذبهم أزاى ؟ و بتجذبهم ليها عشان تشبع عندها أية ؟

و شكل العلاقة هيكون عامل أزاى ؟ و الرجالة اللى بتنجذب ليها نوعيتهم أية ؟

الفكرة مش أن فى حد صح و غلط على أد ما فى سلوكيات بنعملها بطريقة غير واعية

فى العلاقة بتسبب فشلنا أو نجحنا فى العلاقة

لن تتخيلوا نفسيتنا بحر عمييييييق و كل حاجة حصلت فى حياتنا مدفونة جوا البحر دة

و أحنا بننساه بس لازم هيأثر على الموج اللى على السطح

كل حاجة فى علاقتنا ليها أساس عميق