نجلاء بدر فى برنامج (الحريم أسرار) مع أمير كرارة
كانت بتقول أنها كانت غبية جداً فى العلاقات و حظها وحش لكن دالوقتى بقت ذكية
فأمير رد عليها و لما بقيتى ذكية أية اللى حصل ؟
قالت له: بطلت أدخل فى علاقات 
لأن الأول كنت بدخل أى حد حياتى و دائماً هما اللى كانوا بيختارونى و أنا بوافق و خلاص
لكن دالوقتى مبدخلش أى حد حياتى لازم اللى يدخل حياة نجلاء يكون بيقدرها.
برغم أن قبلها كانت بتقول لأمير كرارة أنها مفتقدة الأمان و حسه بالوحدة جداً
لكن أحتياجها دة مكنش مبرر أنها تدخل علاقة و السلام.
بعد اللقاء بسنة
نجلاء بدر أتجوزت رجل أعمال و اللى كان فاجئها على الهواء بطلب أيدها بعد ما تعرف عليها
بالصدفة عن طريق أصدقاء مشتركين و بعدها بسنة أتقابلوا تانى صدفة فى فرح أصحابهم.
كل اللى عاوزة أقوله خدى القرار مدخليش حياتك غير راجل حقيقى يستحقك
و مدخليش أى حد و السلام لمجرد أن عندك أحتياجات عاطفية و فى الوقت المناسب
هيظهر الراجل المناسب ليكى و لحياتك هو دة اللى يستحقك.
لكن لو بتحشى حياتك بأى حد و السلام ساعتها هيكون فى ناس كتير مناسبة ليكى و بتقدرك
بس للأسف دائماً مش هتلاقى مكان لأن واخده حد تانى.
هى أتعلمت من تجاربها و عرفت فين الغلط و خدت قرار..
هى غيرت الفعل اللى كانت بتعمله كل مرة فأتغيرت النتيجة.
(أنتى تستحقى .. أتعلمى.. خدى قرار (النتيجة هتتغير.
جرعة نور – نور البكري
