فى فيلم he’s just not that into you
- كانت فى شخصية جيجى
شخصية جيجى البنت اللى الرجالة بتتهرب منها و مش بتكمل فى العلاقة معاها - برغم أن جيجى على قدر كبير جداً من الجمال و لطيفة جداً فى التعامل
لكن كل مرة كانت بتنتهى المقابلة و فى الغالب مبتشوفش الشخص تانى - و بيبداء يتهرب منها لو هى كلمته
برغم أن الشخص دة قبل ما يمشى بيقولها أد أية أنه أنبسط بالوقت معاها - و برغم بيقولها هبقى أكلمك و برغم أن هى بتحس أد أية كان بيقضى وقت لطيف معاها
طيب فين المشكلة و الخلل فى الحياة العاطفية لجيجى ؟
أولاً : أنها بتصدق كلماتهم و الرجالة فى الغالب الكلام الحلو اللطيف اللى بيقولوا طول الوقت - هما مش بيقصدوا بى فعلاً أنهم معجبين بالبنت أو عايزين يدخلوا علاقة فعلاً
و عشان البنت لو قالت كلمة حلوة لحد أو فيها أعجاب بتقولها و هى بتبقى حساها فعلاً - فبتعتقد أن الراجل هيكون معاها بنفس الصدق و الوضوح
لكن دة مش حقيقى كلمات الأعجاب بالنسبة لهم ممكن تكون معناها
أنا معجب بيكى و عايز العلاقة تطور.
أو أنا معجب بيكى كصديقة ليس الا.
أو أنا معجب بيكى و مهتم بس مش حابب علاقتنا تطور عشان قلبى مشغول بحد تانى.
أو أنا مش معجب بيكى أنتى حد عادى بس لازم أجامل.
أو أنا مش معجب بيكى بس أنتى لازم تفضلى متعلقة (أستبن) - فالكلمة بيبقى ليها أحتماليات كتير أوووووى بالنسبة لهم
ثانيا : و دى المشكلة الأكبر و الرئيسية لشخصية (جيجى)
- كانت طول الوقت متلهفة على علاقة
بالنسبة لها أى راجل كأنها لقت كنز و برغم أنها شخصية تلقائية و طبيعية - و دى حاجة جميلة ألا كانت تلقائيتها دى مكنش معاها ذكاء فى التعامل مع الجنس الآخر
- أو حتى قرايته و دة كان طول الوقت كان بيبعد عنها الرجالة من أول مقابلة
طيب الحل أية ؟ هى التلقائية و الصدق فى الزمن دة بقى وحش
الحل ببساطة
أعرفى أن الراجل اللى عايزك حقيقى هيسعى وراكى و هيكون - بيستخدم كلمات و أفعال تدل على أعجابه
- فترة الأعجاب حطى فى دماغك دائماً أنها مجرد فترة أعجاب لأنك بتتعرفى على الآخر
- بعد فترة ممكن أصلاً تكتشفى مش مناسبين لبعض
اللى معجب بيكى و بيحبك ممكن يكون متردد فى الأول - أنه يعترف لك بده لكن متفضليش كدة حطى فترة سماح أنه يبداء يعترف لك
- معترفش أبدئى أنسحبى ما أنتى مش هتعيشى على التلميحات
أنك تتعاملى ببساطة و تلقائية و تحسسيه أنه ملك قلبك من أول نظرة - أو أنك تتعاملى و تحسسيه أنك هتموتى على علاقة و خلاص صدقينى معظمهم
- هيحس أن مشاعرك كانت حاجة سهلة و مش هيحس بقيمة مشاعرك دى
للآسف بعض تجارب البنات الكتير اللى بتجى لى و ملاحظة معظم الشباب - هو فعلاً الراجل بيحب البنت اللى مبيوصلش لقلبها بسهولة
- عشان كدة أتعاملى حلو جدا بس متحسسهوش أنه ملك قلبك
- غير لما يكون فعلاً أعترف لك بمشاعره و صرح بيها و كان واضح تماماً فى دة
و آخيراً حتى لو دخلتوا فى علاقة بلاش جو - مهما قتلتنى و قطعتنى و شتمتنى هفضل معاك
- لأن كدة بتخلى نفسك حق مكتسب و مش هيعمل حاجة عشان يسعدك فى العلاقة
- و لو هو شخص مش سوى تماماً ممكن يستغل دة بأنه يقلل من أحترامك أو يعاملك وحش
حاولى دائماً تحسى أنك غالية و مش أى حد يستحق قلبك - و اللى يوصل لقلبك لازم يسعى له عشان ياخده هدية
و هرجع أقولك خلى بالك أنهم مش كلهم دائماً يعنون ما يقولون - #جرعة_من_جرعات_نور
- #للأنوثة_وعلاج_العلاقات
- #نور_البكري
