الزواج ألتزام و مسؤولية.
مش مجرد مسؤولية مادية سواء بالمال من الرجل أو التنظيف و الطبخ من الأنثى لا خالص.
الزواج مسئولية:
_يعنى تكون مسؤول عن أحتواء شخص وقت حزنه.
_يعنى تقبل شخص أثناء أوقاته الصعبه سواء على مستوى الشكل
أو الشخصية أو الظروف مش فى أحسن و أفضل أوقات له فقط.
_يعنى السند و الضهر لما يقع.
_يعنى لما الكل مش مصدق حلمك و بينتقدك يكون هو الشخص المؤمن بيك.
_يعنى لما الكل يكون بيحبطك هو يشجعك و ياخد بأيديك.
_الزواج يعنى مسئولية أشباع الأحتياجات العاطفية و الجسدية للطرف الآخر.
الزواج مسؤولية و مجهود و عمل و ألتزام، لو غير مستعد تتحمل المسؤولية دى و أكتر ببساطة أوعى تتجوز.
عشان لو معملتش اللى فات و أكتر هيكون أحتمال الفشل كبير.
أتزوج لما تكون مستعد أنك تكون فعال فى علاقة و ما تتجوز لمجرد أحساس حلو
حسه من ناحية شخص فقط و أنت مش مستعد تقوم بدورك.
فى الزواج الأحاسيس والمشاعر الحلوة وحدها لا تكفى لأن لو مش محاوطها مسؤولية و ألتزام،
مصير المشاعر هتموت مع الوقت.
معظم اللى فشلوا مش عشان ام يشعروا بمشاعر جميلة تجاه الآخر
و لكن علاقتهم توقفت على المشاعر و لم تشمل الأفعال و تحمل مسؤولية علاقة.
الزواج مسؤولية هى مسؤولية حلوة بس مش أى حد بيكون مستعد لها أو جاهز لها.
