أتعلمنا لما تقول كلمة حلوة للقدامك هيتعوج، متعلمناش أن الكلمة الطيبة حسنة.
أتعلمنا لما تظهر للقدامك مشاعرك هيستضعفك، متعلمناش أننا بنبنى داخل قلبه مكانه و كمان بتزيد الحميمية.
أتعلمنا أن الاهتمام مبيطلبش، متعلمناش أن اللى قدامنا مش ساحر
و أحياناً مبيعرفش أحنا محتاجين أية فعلاً و أن عادى أننا نعبر عن أحتياجنا.
أتعلمنا أن مفيش حب، متعلمناش أن الدليل على أن فى حب أنه بداخلنا كل اللى محتاجينه نشعر به و نقدمه و نستقبله.
أتعلمنا أن الحب يشفى، بس متعلمناش نشفى قلب الآخرين دائماً منتظرين اللى يشفى قلبنا.
أتعلمنا أن لما تقول مميزاتك تبقى مغرور و لما نقول عيوبنا كدة تواضع، متعلمناش نذكر مميزاتنا زى ما بنذكر عيوبنا.
أتعلمنا حاجات فى منها كتيييييرغلط و بنأذى و بنتأذى باللى أتعلمناه دة.
بس كل لحظة فرصة جديدة أننا نتعلم الصح و ما نكون كما قال آباؤنا الأولون.
