#شفاء_علاقاتك
الناس اللى دائماً مش بتفكر فى الكلام قبل ما تقوله و المبرر بيكون :
-أصل أنا تلقائية و اللى على قلبى على لسانى.
-أصل أنا جريئة و مبخفش من حد و أقول (للأعور أنت أعور فى عينه).
بكل بساطة ممكن نية الشخص فعلاً و هو بيتكلم ميجرحش الآخر بتلقائيته
و لكن ببساطة أحنا مش بنطلع على النيه فبالتالى بنترك باب للشيطان أنه يوقع ما بينا.
عشان كدة قبل ما نتكلم لازم نفكر فى اللى هنقوله كويس
و نوضح برقى مع أنتقاء الكلمات اللى نقصده بالظبط
و بالتالى مش هيكون فى مساحة أن الآخر يفهم غلط و مش هيحصل مشكلة فى العلاقات.
و دة ما ذكره الله فى سورة الإسراء :
وَقُل لِّعِبَادِي يَقُولُوا الَّتِي هِيَ أَحْسَنُ ۚ إِنَّ الشَّيْطَانَ يَنزَغُ بَيْنَهُمْ ۚ إِنَّ الشَّيْطَانَ كَانَ لِلْإِنسَانِ عَدُوًّا مُّبِينًا (53)
فالقول بالتى هى أحسن و عشان يكون بالتى هى أحسن (نفكر و نختار أحسن قول ممكن نعبر به عن فكرتنا)
#جرعة_من_جرعات_نور
#للأنوثة_وعلاج_العلاقات
