النسر و الحب القاسى المؤلم.
فى الغابات الأستوائية الممطرة النسر بيبنى عشه على الأشجار و كل يوم بيطير بحثاً عن الطعام لأبنه.
و فى البداية بيبداء كل يوم يطير بيحضر الطعام و يأكله لأبنه.
و مع الوقت و لما يبداء أبن النسر يكبر شوية يبدأ يغيب عن أبنه بدل كل يوم بيحضر له الطعام
يبدأ يغيب بالأسبوع و طبعاً أبنه بيبقى جعان جداً و حزين لأن النسر الأب بيغيب عليه و هو جعان
و هو معتمد عليه تماماً لأن جناحاته بتكون ضعيفه و غير قادر على الطيران.
و دى المرحلة اللى بيطلق عليها العلماء it’s time for tough love – وقت الحب القاسى.
ليه بيطلقوا عليها الحب القاسى ؟؟؟
لأن النسر الأب بيغيب عن أبنه و بيتركه جعان فترة طويلة فى الوقت دة النسر الأبن بيبدأ يدرك أنه لازم يعتمد على نفسه
و طبعاً هو مبيعرفش يطير فيبداء كل يوم يرفرف يحاول يطير و بيفشل لكن دة بيقوى جناحاته.
و مع الوقت و أستمرار المحاولات بيبدأ يتعلم يطير من شجرة لشجرة و مع الوقت
بيبدأ يتعلم يطير و يصطاد فريسته بنفسه و من بعد كان عنده جناحات بيوصل طولها لمتر بدون فائده
دالوقتى بعد معاناه و فشل و محاولات بتبدأ تقوى و يقدر يطير.
تعالوا نتخيل لو الأب النسر كل يوم بيحضر لأبنه الطعام و بيصطاد الفريسة لأبنه طول الوقت
مكنش حاول أبداً أنه يتعلم يطير و مكنش جناحاته أصبحت قوية.
أحنا كمان أحياناً بنتعرض لـ tough love ممكن تعامل قاسى من أهلنا أو تجربة عاطفية قاسية فيها هجر أو خذلان و آلم أو موقف كان صدمة.
بس من غير التجارب و الخبرات دى مكنش حد فينا أتعلم يبقى قوى.
أحياناً الـ tough love بيرشدنا للمكان اللى لازم نكون فى أو الشخص اللى لازم نكون عليه زى النسر كدة
اللى أتعلم يطير بعد ما أتخذل من الأب و فضل جعان أيام و حزين.
لو حابين تشوفوا قصة النسر هو جزء من حلقة jungles من المسلسل الوثائقى our planet على موقع Netflix
