حاجة مهمة جداً أنتى كأنثى لازم تتعاملي بيها مع الراجل لأنها من أهم أحتياجاته العاطفية
و هى (القبول) أحنا كأنسان من أهم أحتياجاتنا القبول
بس فى فرق بسيط بين أحتياج (القبول) ما بين الراجل و الأنثى
الأنثى : محتاجة تحس أنها مقبولة بأنها تحس مرغوب فيها و محبوبة و شايفنها جميلة .
الراجل : محتاج يحس أنه مقبول بأن اللى قدامه يتقبله كده زى ما هو بعيوبه و مميزاته.
فأكتر حاجة هتنفر الراجل مع الأنثى أنها تبداء تنتقده أو تقلل من أفعاله.
(وقتها هتكون بتقتل عنده أحتياجه (للقبول.
.
حتى لو فى عيوب حسسيه أنك متقبلاه و أمدحى الحاجات الحلوة اللى فى.
يعنى بيشرب سجاير متفضليش تنتقديه.
مبيصليش بلاش دور الواعظ صلى أنت هتروح فين من ربنا.
ممكن توجهيه بالحب للسلوك الأيجابى
ريحتك حلوة اوى النهاردة واووووووو شكلك مشربتش سجاير.
حبيبى نفسى تصلى معايا نتشارك حاجة كويسة ناخد عليها حسنات.
فى حد هيجى يقول ما هيفضل يعمل الغلط اللى بيضايقنى ؟؟؟؟
دورنا فى العلاقة مش تغيير الآخر بالعافية
بيكون دورنا أننا نوجهه و بس ألا لو الطرف الآخر عنده أستعداد أنه يغير
و اللى لازم يتغير فى بس هى حاجة بتأذيكى تماماً و مش هتقدرى تتحمليها.
لكن هو كشخص مينفعش ننتقده و ننتقد تصرفاته طول الوقت.
يمكن لما تتقبليه يتغير .. لكن الانتقاد بيخليه يعند أكتر و يزود من اللى بيضايقك أكتر.
(أتعاملى معاه بذكاء (الذكاء الأنثوي قوة خارقة .. قوة بنعومة 
