حتى سندريلا بتتعصب 
مين قال أنى أكون أنثى أن عمرى ما أتعصب أو صوتى يعلى
أنتى قبل ما تكونى أنثى أنتى أنسانة، هو الصح معظم الوقت تكون أعصابك هادية
بس لو أنفعلتى متفضليش تلومى نفسك و تقولى أنا مش أنثى، لأن دة بيخليكى تحسى كل مرة بتتعصبى
أنك مش أنثى و بيبعدك عن نفسك لأنك مش حسه بالقبول ناحية نفسك فى جميع حالاتك
حاولى تعرفى أية اللى بيخليكى تنفعلى و أبدئى ظبطيه و هقولك على كام تمرين لطيف هيهدى من أنفعالك
التمرين الأول : فكرى فى الشخص أو الموقف اللى مضيقك و أمسكى المخدة و أفضلى أضربى فيها لحد ما تهدى تماماً
التمرين التانى : لو شخص مضايقك تخيلى الشخص قدامك و طلعى من جواكى كل اللى مضيقك منه
التمرين التالت : جيبى و رقة و قلم و أفضلى أكتبى لحد ما تهدى خالص و قطعى الورقة و أرميها و متحتفظيش بيها
لو أستمريتى على حاجة من التمرينات دى حتى لو مرة كل أسبوع هتلاقى أنك هتبقى أهدى و أنفعالاتك هتقل بس متتوقعيش أنها هتختفى
لأنك أنسانة و عادى يجى وقت تتعصبى أو تزعقىمتحمليش نفسك فوق طاقتها
المهم حاولى تطورى من نفسك واحدة واحدة و أنتى متقبلة نفسك
خليكى حنينه على نفسك و متقبلاها حتى لو مفيش حد حواليكى بيطبطب عليكى،
خليكى أنتى الأيد دى و ساعدى نفسك بحب و تقبل
