خلى بالك الكلمات اللى بتقوليها لشريك حياتك طول الوقت و بتكرريها ممكن تتحقق
بمعنى؟؟؟
يعنى مثلاً هو أنا حلوة ؟ أهلى كانوا بيقولى شكلى مش حلو 
أو أنا أخاف تطلقنى أو تبص برا و غيره.
كلها حاجات سلبية مع الوقت و بدون وعى منه ممكن يتأثر بيها.
فى واحدة جت لى جلسة قبل كدة جميلة جداً و شيك
لكن معندهاش ثقة فى نفسها و مش شايفة نفسها جميلة
و بتسأل جوزها دائماً بعدم ثقة أنت بتشوفنى جميلة ؟؟؟ هو أنا جميلة ؟؟؟
و هو مكنش شايف جمالها
و فى واحدة تانية طول الوقت بتعبر عن جمالها و أحساسها بنفسها و جوزها طاير بيها.
فى واحدة بتقول لجوزها انت ممكن تتخلى عنى و انا خايفة تسيبنى مع الوقت بعد عنها.
فى مقابل واحدة بتقول أنا عارفة لا يمكن تستغنى عنى
و لو بعدت مش هتنسانى و فعلاً هو حاسس انه مش هيلاقى زيها.
كلماتنا اللى بتعبر عن أفكارنا بتأثر بطريقة لن تتخيلوها خدوا بالكوا من النقطة دى.
جرعة نور – نور البكري
