#شفاء_علاقاتك
العلاقة بالمستقبل فى الغالب بتكون علاقة خوف و رفض.
خايفة سنى يجرى و ما اتجوز.
خايف أجرى ورا حلمى فى الشغل اللى بحبه و موصلش.
خايفة أتعامل بطبيعتى و أترفض من اللى حواليا.
و غيره……
دائماً بتكون فى مشاعر خوف و رفض للمستقبل لأننا بنتوقع مستقبل سئ
و كمان بنعتقد أننا مش هنقدر نتعامل معاه و دة بيربطنا و بيمنعنا أننا نتحرك نحو أهدافنا .
لأن الإنسان مش هيقدر يتحرك نحو شئ و هو فى نفس الوقت خايف منه.
فأفضل علاج لعلاقتنا بالمستقبل هو الثقة أن الأفضل جاى و هنقدر نتعامل معاه حتى لو مفيش أى دليل.
جرعة الشفاء بعلاقتنا بالمستقبل هى الآيه (268) من سورة البقرة :
(الشَّيْطَانُ يَعِدُكُمُ الْفَقْرَ وَيَأْمُرُكُم بِالْفَحْشَاءِ ۖ وَاللَّهُ يَعِدُكُم مَّغْفِرَةً مِّنْهُ وَفَضْلًا ۗ وَاللَّهُ وَاسِعٌ عَلِيمٌ)
معنى أن علاقتنا بالمستقبل فيها خوف و رفض دة معناه أننا صدقنا وعد الشيطان بالفقر.
معنى أن علاقتنا بالمستقبل فيها ثقة و أمل و الشعور بالقوة و القدرة على التعامل مع المستقبل دة معناه أننا صدقنا وعد الله بالفضل.
فأول ما يلح على عقلنا فكرة بتوعدنا بالفقر فى المستقبل.
لحظتها نختار يا نصدق فعلاً الشيطان يا نختار تصديق وعد الله و الأنطلاق مع التوكل على الله.
#جرعة_من_جرعات_نور
#للأنوثة_وعلاج_العلاقات
