في 8 صفات فى الراجل و تعاملات بتؤثر على أنوثتك و تبعدك عنها

أول صفة و تعامل : عدم تحمل المسؤولية

الراجل الغير متحمل المسؤولية بيدفع مراته لتحمل المسؤولية و دة بيضغطها

لأن مطلوب منها تقوم بدورها كأنثى و كراجل فبتبدأ تبعد عن دورها و تقوم بدوره فى تحمل المسؤولية و قيادة حياتهم.

تانى صفة و تعامل : عدم الأحترام

الراجل اللى مبيقدرش يحترم الأنثى و بيقلل منها دائماً مع الوقت الأنثى بتبدأ تحط صورة لنفسها

أنها مش كويسة كفاية و بتبدأ تبعد عن أنوثتها و تهملها.

ثالث صفة و تعامل : الأعتمادية المادية

أن الراجل يخلى الأنثى تتحمل أعباء الأنفاق المادى دة بيخليها تقوم بدور مش بدورها

و مبتحسش بقوامة الراجل فبالتالى بتبدأ تبعد عن أنوثتها.

رابع صفة و تعامل : الخيانة و البصبصة على الستات

الخيانة و بصبصة الراجل على الستات طول الوقت دة بيديها رسالة بطريقة غير مباشرة أن فى مقارنة بينك و بين غيرك

و أنك مش أنثى كفاية و أنه بيبص على واحدة أفضل منك و أكتر أنوثة.

خامس صفة و تعامل : الأنتقاد الدائم خصوصاً لشكلها

الأنثى قيمة الجمال عندها من أعلى القيم و لما الراجل بيبدأ ينتقص من جمالها بكلمات جارحة عن شكلها

بتبدأ تحس أنها مش جميلة و بالتالى متحسش بأنوثتها.

سادس صفة و تعامل : الضرب و الأهانة

الأنثى مهما كانت شخصيتها قوية ألا أن مشاعرها رقيقة و ناعمة لكن الضرب و أستخدام الألفاظ دة

بيجرح مشاعرها و بيحولها لشخصية مكسورة ضعيفة أو شخصية حادة جارحة.

سابع صفة و تعامل : الرفض

لو حست أنها و مشاعرها مرفوضة بتبدأ تحس أنها قليلة و غير مرغوب فيها و بتهتز ثقتها بنفسها و بتبعد عن أنوثتها.

ثامن صفة : عدم تقدير مشاعرها و الأستخفاف بيها

الأنثى مشاعرها أكثر رقة و تعتبر أغلى ما تملك على عكس البعض بيعتقد أن جسدها فقط أغلى ما تملك

فأى تجريح لمشاعرها و عدم تقدير للمشاعر دى أو الأستخفاف بيها بتبدأ تكبت مشاعرها و متعبرش عنها خوفاً من أنها تتجرح

و بالتالى بتخفى جزء كبير من أنوثتها.

أكيد فى صفات و تعاملات تانية بس دول الأكثر شيوعاً.

جرعة نور – نور البكري