فى فيلم he is not just that into you
- فى مشهدين عن علاقة بين زوجين غريب جداً، معظم اللى هيشوفه هيستغرب
المشهد الأول
زوج (جانين) بيعترف لها أنه خانها مع واحدة تانية فى السوبر ماركت
وقفت للحظة و بصت له هسألك سؤال لتانى مرة : اليوم اللى لقيت فى السجاير- و سألتك أنت بدخن و أنت أنكرت، أنت كنت بتكذب عليا و لا فعلاً أنت أتوقفت عن التدخين
بص لها و قالها : لا أنا فعلاً أتوقفت عن التدخين
قالها : أنا همشى من البيت - ردت عليه : لا متمشيش أنت أعترفت أحنا هنشوف حل للموقف دة
- عشان ميتكررش تانى و فعلاً هى دورت ورا السبب و حاولت تحله
الأغرب من سؤالها على السجاير وقت أعترافه بالخيانة
المشهد التانى
لما أكتشفت أن هو بيدخن فعلاً ساعتها أتنرفزت و أنهارت أنه كذب عليها - و لمت له هدومة و حطت معاها علبة السجاير و كتبت له
- أنت كدبت عليا، دخن براحتك، طلقنى
و فعلاً أطلقواكل اللى هيشوف المشهدين دول هيقولوا أن (جانين) مجنونة
- عشان تطلق بسبب كدبه كدبهاعليها بسبب السجاير و مطلقتش بسبب خيانته ليها مع واحدة تانية
بس أنا شايفة أن دة طبيعى جداً لسبب بسيط
أن كل واحد فينا جواه جرح قديم لما حد بيلمس الجرح دة - بفعل بسيط بيبقى بالنسبة له كأنك بتحاول تقتله
بمعنى ؟
جانين) باباها أتوفى بسبب السجاير و دة خلاها من الحاجات المحظورة- تكون موجودة فى حياتها لدرجة العمال اللى كانو بيظبطوا لها الشقة
- كتبت معاهم عقد أن محدش يدخن فى المكان و شافت أن دة وعد مينفعش حد يخون وعده
بالأضافة أن بالنسبة لها أهم حاجة الصدق فى علاقتها و أن لو تواجد الكدب فى حياتها - يبقى كدة تم التعدى على أهم حاجة فى علاقتها
فى ناس كتير ممكن تكون شايفه دى تفاهه بس دة مش حقيقى
فى واحدة ممكن تنهى علاقتها بسبب كدبة، واحدة تانية بسبب أهمال، - واحدة تانية بسبب بخل أو غيره
كل واحدة ليها الحاجة اللى مش مقبوله بالنسبة لها تماماً و بتختلف من شخصية للتانية
عشان كدة لازم فى علاقتنا نعرف أية هو المحظور تماماً بالنسبة لشريك حياتنا
لأن ساعات بنفتكر أن اللى بنعمله حاجة تافهه أو بسيطة لكن بالنسبة لشريك حياتنا - أحنا كدة بندوس على أكبر جروحه
لازم يكون عندنا وعى بنفسنا و بجروحنا و بجروح الآخر
هو دة #الذكاء_العاطفى - #جرعة_من_جرعات_نور
- #للأنوثة_وعلاج_العلاقات
- #نور_البكري
