طريقتى الخاصة فى دخول المطبخ بأنوثة 
أول حاجة لازم نتخلى عنها الآكلات التقليدية اللى بتقتل الأبداع
سيبك من الآكلات التقليدية و أبدئى أخترعى وصفات جديدة
(أو حتى قدميها بشكل جديد أو خاصة بيكى أو حتى زينيها لو مش عايزة تخترعى(الطبخ بأبداع
– أعملى الآكل بحب و أعرفى أنتى بتعملى حاجة عظيمة ليكى و لعيلتك
و كدة كدة هتتعمل يبقى تتقدم و تتجهز بحب
البصل ريحته بتبقى صعبة فى الأيد
و سائل تنظيف المواعين ممكن مع الأستعمال المتكرر ينشف أيدك و يأذيها مع الوقت
(جوانتى – قفزات اليد ) الخاصة بالنظافة أستعمليها هتحافظ على أيدك
و لو هى بتسيب ريحة على أيدك رشى جواها ( بودرة جونسون)
هتلقيكى خلصتى الطبخ و تنظيف المطبخ و أيدك محتفظة بنعومتها و جمالها و ريحتها كمان حلوة
– الصابون السائل فى منه أنواع بروائح منعشة أختاريه بروايح هيفرق ريحته جداً
و أنتى بتغسلى المواعين و فى سفنج و ليف مواعين بيكون ألوان بينك أو فسفورى
(تفاصيل بسيطة هتفرق معاكى كتييييييييييييييييير)
شغلى مزيكا و أنتى بتطبخى أو محاضرات على اليوتيوب
أو أسمعى قرأن كدة هتحسى أنك بتستمتعى أو بتتعلمى
و أنتى بتطبخى أو أعملى مكالماتك اللى مفروض تخلص كدة
هتحسى وقتك مضعش و مش هتحسى بالوقت
بعد ما تخلصى طبخ خدى شاور أو أغسلى وشك و أيدك كويس
لأن الطبخ بيفرهد و هتحتاجى تستعيدى نشاطك و بعدها حطى لوشن و برفيوم و سرحى شعرك.
أدخلى المطبخ و أستمتعى تفاصيل و أفكار بسيطة جربيها و هتلاقى تأثيرها عليكى كبير
كل حاجة ممكن نعملها بأنوثة و من غير بهدلة
جرعة نور – نور البكري
