ليه البنت بتنجرح لما حد يقولها مش هنفرح بيكى أو شدى حيلك ؟؟
لأنها بتحس أنها مش كويسة كفاية أو هى ناقصة حاجة عشان كدة متجوزتش لحد دالوقتى
و الكلام دة مش صحيح طبعا و لو بالمنطق فى بنات كتير اتجوزت
و أقل منك في الجمال أو التعليم أو المستوى الأجتماعى أو على المستوى الشخصى و ذكاء التعامل
أوعى تخلى كلام حد يقلل من قيمتك قدام نفسك أو تقديرك لذاتك
و خليكى واثقة أنك عشان غالية و تستحقى مرمتيش نفسك قدام أول واحد يخبط على بابك
زى ما بنات كتير بتعمل و تقول اهى جوازة و السلام و بتبقى تعيسة فى حياتها بعد كد ه
بصى لكلام اى حد يقولك مش هنفرح بيكى أنه بالنسبة لة الجواز الفرح و الفستان بعدها بينزل التتر
يقول النهاية و هو عايز يحضر الفرح و انتى اللى هتتحملى بطولة الفيلم المأساوي لوحدك
أعرفى طول ما نيتك اللى ربنا قال عليه عن الجواز ( مودة و رحمة و سكن ) هيبعت لك اللى تحققى معاه دة
متزعليش من ناس مبتعرفش تحسبها أو مبتفكرش فى كلامها حتى ممكن يكون آثره أية على اللى قدامها
و أشتغلى على نفسك أعملى خطة أزاى تكون حياتك الزوجية سعيدة أقرى و طورى من نفسك
و من تعاملاتك مع الناس في العموم و أعرفى أن الله لا يضيع أجر من أحسن عملا و أوعى تقفى على كلام الناس
أحياناً كلام الناس هو الطوب اللى لازم نقف عليه برجلنا عشان نعلى و نطور من نفسنا
جرعة نور – نور البكري
