عباد المجتمع هما سبب فساده ?
الشخص اللى بيحاول دائما يعجب الناس يعيش حياة مش حياته و يعمل حاجات
و لا هو بيحبها و لا بيستمتع بيها عشان يعجب الناس دة بيعبد المجتمع .
الشخص اللى بيمنع نفسه أنه يعمل الحاجة اللى بيحبها أو عايزها عشان خايف من كلام الناس دة بيعبد المجتمع .
الشخص اللى بيشتغل شغل بيكرهه و مكمل فى، مع أنه كل حته فى بتكره الشغل دة و مكمل عشان وضع أو فلوس أو عشان الناس تقول (واوووووووو شايفين شغال اية ) دة بيعبد المجتمع .
– الشخص اللى بيمشى بأسلوب و ستايل متعارف عليه عشان خايف من كلام الناس دة بيعبد المجتمع .
– الشخص اللى معندهوش علم و بيفتى و مش مستعد يسمع حاجة مختلفة عن اللى أتربى عليها دة بيعبد المجتمع .
– الشخص اللى طامس نفسه و شخصيته و روحه و حقيقته و أفكاره و مشاعره خوفاً من المجتمع دة عبد بيعبد المجتمع .
*** عابد المجتمع أنت بضر نفسك بتقتلها بتسلبها حريتها و بتقتل روح الأبداع اللى جواها
عشان مجتمع أصلاً مدمر و أنت بتكمل على دماره بأنك تبقى فرد ماشى على منهج
(كما قال آبائنا الأولين) بالطريقة دى هتوصل لنفس النتيجة ( جهل – تخلف – أنحدار أخلاقى ).
– الدمار اللى أحنا فى عشان ينصلح لازم :
* تعيش حر بنفس حرة ميهمكش كلام الناس .
* أعمل الحاجة عشان أنت بتحبها و عاوزها مش عشان مفروض تعملها .
* لما تعمل حاجة المفروض تعملها أعملها عشان أنت حابب تستعملها عشان توصل لنتيجة معينة مش عشان هى المفروض .
* خليك مبدع مختلف عبر عن أرائك و أفكارك بطريقتك أنت و بروحك أنت .
* أسمع كلام اللى حواليك مناسب ليك خد بى مش مناسب تحت رجلك أرميه، خصوصاً أنك مش بضر نفسك و لا حد .
* من نفسك اللى يشوفك هيميز على طول أنك مش زى أى حد و ليك مذاقك الخاص المميز .
* لما تقابل عبد من عباد المجتمع أعمل بالآيه (وإذا مروا باللغو مروا كراما) .
* قوم دالوقتى فك حبل المجتمع من على رقبتك و حرر نفسك عشان هى أتخلقت حرة طليقة .
* قوم و قول أنا حر ما لم أضر .
* أتمرد على كل لازم و مفروض و خليك بداية لحياة جديدة قائمة على الحرية و الأبداع .
* عيش نفسك قبل ما تمووووووت و كفاية بقى الدور البايخ اللى أنت بتقوم بى عشان تعجبهم .
* قول أنا كدة و اللى عجبه مرحب بى و اللى مش عجبه أنا مش هآدى دور غير دورى عشان أعجب معاليك .
* بص لحكمة ربنا فى أنه خلقنا مختلفين و قولوا يا رب أنا عبد ليك مش عبد المجتمع .
ــــــــــــــــــــــــــ
* هينتقدوك هيحاولوا يرجعوك عشان تكون زيهم لأنك بتهددهم لأن هيبانوا قدام نفسهم أنهم مجرد نسخ ملهاش قيمة .
* هيبدأو يحاربوك بشراسة أكتر عشان ترجع و تبقى نسخة بلا قيمة .
* و بعد كدة أول ما يلقوك أنك النسخة الاصليةو أنك عايش نفسك لا محالة ساعتها هيستسلموا
و يقروا أد أية أنت محظوظ و هى الحياة حظوووووووووووووظ .
* ساعتها أبتسم و تذكر آية الله( وَلَقَدْ ذَرَأْنَا لِجَهَنَّمَ كَثِيرًا مِّنَ الْجِنِّ وَالْإِنسِ ۖ لَهُمْ قُلُوبٌ
لَّا يَفْقَهُونَ بِهَا وَلَهُمْ أَعْيُنٌ لَّا يُبْصِرُونَ بِهَا وَلَهُمْ آذَانٌ لَّا يَسْمَعُونَ بِهَا ۚ أُولَٰئِكَ كَالْأَنْعَامِ بَلْ هُمْ أَضَلُّ ۚ أُولَٰئِكَ هُمُ الْغَافِلُونَ )
* و أعرف هيفضلوا يلوموا و يلعنوا لكن مش ذنب الله أن أدانا كل حاجة و أحنا اللى بنختار أننا و لا نفقه
و لا نسمع و لا نبصر و لا نعقل دة ذنبنا أحنا اللى هنتحاسب عليه .
*****خليك عابد لله …. عايش نفسك و قول “تووووووووز كبيرة” للمجتمع
جرعة نور – نور البكري
