legally blondفى فيلم
راحت (آيل) الأنثى الجميلة عشان تقابل حبيبها اللى كان عازمها على العشاء
و كانت مستنية يتقدم لها للجواز اليوم دة.
لكن أتصدمت أنه مكنش عاوز يتقدم لها كان عايز يقابلها عشان يقولها أنهم لازم ينفصلوا
(عشان هى حد جميل بس مش يليق بى و أنها مش ذكية كفاية و لا جادة كفاية و أنه داخل (كلية هارفرد للحقوق
و عيلته لازم هتجوزه لحد يليق بالوضع دة.
أنهارت (آيل) و قررت تستعيد حبيبها اللى سابها و راح خطب بأنها تدخل (كلية هارفرد للحقوق) معاه و تثبت أنها تليق بى.
و دخلت فعلاً الكلية و تميزت فيها جداً و بقت من الأوائل و بعدها أكتشفت أنها مش مهتمة خلاص بحبيها القديم
و أن هى تستحق حد أفضل منه و يقدرها و قابلت حب حياتها فى الكلية كمان
و اللى كان مؤمن بيها و بأمكانياتها و قدراتها و كان بيدعمها.
أحياناً بتيجى مواقف و صدمات توجعنا فى حياتنا مش من أجل الآلم و خلاص
لكن بتيجى عشان تطلع كل أمكانياتنا اللى مكناش هنعرفها عن نفسنا غير لو مرينا بالموقف و الآلم دة.
و مكناش هنمشى فى الطريق الصح و الأفضل غير لما نتوجع.
الآلم بيجى عشان نتحرك و نروح لمكان أفضل و نطلع من جوانا أمكانيات أكبر.
الآلم و الوجع مش للدموع بس
جرعة نور – نور البكري
