اى حاجة مهمة بزيادة اوى يبقى فيها نقص و مشكلة و ضرب لقيمة عندنا.
بمعنى
_ حد عنده الخصوصية عالية دة لأنه اتعرض لأختراق خصوصيتة أو سمح لحد يقرب من أدق تفاصيلة
و مكنش أد الثقة دى، فالنتيجة بقت خصوصيتة عالية.
_ حد لازم تقدره و تقدر اللى بيقدمه دة لأنه اتعرض لعدم التقدير و دة آذاه بشكل كبير
فبالتالى النتيجة عايز يتقدر طول الوقت.
حد مبيحبش الهزار الكتير و بيحط حدود له دة لأنه ممكن أتعرض للسخرية و ده آذاه أو حس بيقلل منه.
هكذا……..
فلما تلاقى شخص عنده حاجة مهمة اوى عنده و بيتجرح لما حد بيتخطاها
هو مش أوڤر بس هو جواه جرح قديم بيتلمس فى و نقص جوا الشخص.
فنحاسب على وجع الشخص و احنا بنتعامل.
كلنا بلا أستثناء عندنا نقص فى حاجة ?
فدة مش مرض و لا عيب دى نتيجة طبيعية لمواقف مرينا بيها و وجعتنا.
جرعة نور – نور البكري
