الحب يشفى.
الأهتمام يشفى.
الأحتواء يشفى.
أن حد يفضل جنبك و يقولك أنا معاك مهما حصل يشفى.
الرعاية تشفى.
المشاركة تشفى.
أن حد يقولك عيوبك بس يحسسك بالتقبل يشفى.
بس ساعات من كتر ما قلبنا مجروح أوى نحس أن مفيش دواء و بنفقد الأيمان فى أن الجرح يشفى.
فأحياناً يجى الدواء و نرفض بكل ما أوتينا من قوة أننا ناخدة.
لأسباب كتير
ممكن عشان شايفين مفيش حاجة هتشفى جرحنا مهما حصل فأول ما نلاقى الدواء نبدء نبعده.
ممكن عشان خايفين بعد ما نلاقى الدواء و نبداء نشفى، نتجرح تانى و نحس بالوجع تانى.
ممكن عشان صدقنا أن الجرح صديقنا و قررنا أن دة نصيبنا و قدرنا فمبقناش نقدر نتخلى عنه
فى اللى هيقول أنا معنديش الأفكار دى أنا مش لاقى فعلاً حاجة تشفينى.
أولاً: أغلب الأفكار دى بتكون بطريقة غير واعية يعنى أنت مش مدركها بعقلك الواعى.
ثانياً: أنت لسه مقررتش فعلاً من جواك أنك عايز تشفى.
أمتى تعرف أنك أخدت القرار للشفاء؟؟؟
لما تؤمن أن قلبك فى يوم هيطيب و هيشفى تماماااااااا.
طيب أنا لازم أعتمد على حد فى الشفاء؟
فى الشفاء فى العموم لأ.
فى الشفاء و التعافى الكامل أة و مجرد ما أحنا هنبدأ ناخد النيه و الخطوات
و ربنا يعلم صدق نيتنا فى الشفاء هنلاقى الناس المناسبة و الأدوات و الوسائل اللى هتساعدنا
كلنا محتاجين حب يشفى قلبنا.
لكن متستناش أبدء و خد المبادرة أنت
و أبدء بحب نفسك مش يمكن فى الطريق نلاقى حب يشفى قلبنا؟؟؟؟
