هو لمح لى أنه بيحبنى يبقى بيحبنى و لا أية ؟?
كانت عندى جلسة من فترة مع بنوتة فبتقولى أن فى شخص
بيلمح لها أنه بيحبها بس مش بياخد خطوات فعليه يبقى موقفة أية ؟
خلينا متفقين أن الراجل و حطى 100 خط أحمر تحت كلمة راجل
لما بيعجب فعلاً ببنت و هيحب أن الأعجاب يطور لعلاقة و أرتباط
هيلمح فى البداية لكن مش هيقضى عمره تلميحات بعدها بفترة هتلاقيه بيعترف و بيقولها صراحه.
لأن الراجل اللى معجب هيخبى ليه ؟
فى حالات فعلاً بيخبى فيها
حالة معندهوش ثقة فى نفسه.
حالة أنه عنده ظروف مادية قاسية جداً.
حالة أنه خايف من الرفض.
و حتى الحالات دى معناها مش جاهز دالوقتى للأرتباط أو مش أد الخطوة فعليا حالياً.
اللى يلمح سبيه يلمح متعشيش على فائض أحتمالات و تحتارى و تستنزف مشاعرك.
اللى معجب و عايز يرتبط هيقوم بالخطوة دى من غير لف و دوران كتير و من غير ما يوجع قلبك.
عيشى حياتك و اللى عايزك فعلاً هيحاول كل المحاولات
عشان يقرب منك و يدخل حياتك و يطور علاقته معاكى.
(و اللى يلمح يلمح تلميحاته لا تعنى أى شئ بدون (أعتراف صريح + خطوات فعليه
مضيعيش وقتك و مشاعرك على حاجة مش مضمونة
و تلعبى بمشاعرك قمار
#جرعة_من_جرعات_نور
#للأنوثة_وعلاج_العلاقات
#جرج
