الطريقة دى مجرباها على المستوى الشخصى و دربت نفسى عليها و أستخدمتها فى
(فراق الحبيب و فراق والدى عنى رغم أنه عايش و فراق الموت و فراق الصحاب)
و بما أنى نجحت فى دة أنت كمان تقدر تنفذ دة و تطبقة و قلبك يبقى مدرب وبالتالى مع الوقت هتلقيه قوى و فى نفس الوقت متزن و قادر يحب و يعيش بدون خوف من الم الفراق.
طيب أعمل أية يعنى عشان أوصل للمرحلة دى ؟
أولاً
أنت هتزعل و دة عادى جداً لأنك أنسان فبالتالى تقبل زعلك دة و خلينا واضحين كل واحد بيعبر عن زعله بطريقته عيش زعلك زى ما أنت عايز فى ناس بتعبر (بالنوم أو العياط أو الضحك أو أنها تهيس أو أنها تزعق و تتعصب) عبر بالطريقة اللى تحبها المهم تقبل الحالة اللى أنت فيها تماماً.
ثانياً
لازم نكون عارفين حاجة مهمة أن الشخص لما بيفترق عنا بنتعب
لأنة كان له مساحة فى حياتنا و دور بيقوم بى عشان كدة لما بيختفى بيبقى فى فرااااااااااااااغ
لازم أملا بسرعة المساحة دى (فى حد هيقولى مفيش حد زى الشخص دة 
المطلوب هنا ملاء الفراغ و مش تعويض الشخص فى الوقت الحالى و ملاء الفراغ هنا
مش شرط بيكون أشخاص يقوموا بنفس الدور ملاء المساحة دى ممكن تكون بأنى أقابل صحابى
ألعب رياضة أركز فى شغلى أساعد الناس أسمع مزيكا أقرب من ربنا أعمل أنشطة بحبها
(المهم الوقت بتاع الشخص دة لازم يتملا بحاجة تانية)
ثالثاً
لازم دائماً يبقى عندنا خطة بديلة بمعنى لو الشخص دة خرج من حياتى أنا هعمل أية ؟؟؟
حياتى هيكون شكلها عامل أزاى ؟؟
لما برسم شكل حياتى من غير الشخص و ببقى مستعد
دائماً خوفى أن الشخص دة يبعد أو أفترق عنه بيقل تماماً لأن عندى خطة بديلة و واضحة
فعقلى الدنيا بتبقى واضحة قدامه فمبيبقاش خايف لأن مفيش مجهول.
رابعاً
خليك شاطر فى أشباع أحتياجاتك العاطفية لأن طبيعى لو حد كان قريب منك فهو كان بيشبع أحتياج عاطفى
أو أكتر جواك فبالتالى أنت لازم تعرف أية هى أحتياجاتك العاطفية و أشبعها و معتمدش على شخص واحد
فى أشباعها لأن كدة ببقى بدمر نفسى.
طبعا هتقولولى أشبعها أزاى ؟؟
أنا كنت أتكلمت فى فيديو عن الموضوع دة بأختصار شديد هيقرب الفكرة
دة لينك الفيديو هنا
خامساً
خليك غنى بربنا و أن ربنا أة خلقنا كائن أجتماعى بس هو خلقك حر مش مربوط بشخص بعينه
دة مش معناه أنك متتوصلش مع الناس و متعرفهمش عشان أنت غنى لكن خليك عارف
لو حد طلع من حياتك أنت مش هتموت أنت معاك ربنا هو الأمان هو الحب هو الرزاق هو الجمال
أعرف أنه هيعوضك بالسكينة أو أنه يبعت لك حد يطبطب على قلبك أو غيره .
خليك عند أيمان بربنا بالفعل و الأحساس مش مجرد كلام بنقوله و خلاص
(الايمان مش أنى أقول الشهادتين الأيمان بالله بأنى أستشعر وجوده و رحمته طول الوقت)
و أنه هينقذنى من أى موقف و هيكون سندى و أمانى و حمايتى و هو أرحم حد بقلبى من أى مخلوق.
واخيرا
وفرقت معايا جداً جلسات التحرر بتقنيات الحرية النفسية PEAT
فعلاً الجلسات دى بتقويك نفسياً أووووى لأنها أصلاً
بتشيل من جواك طبقات من المشاعر السلبية المتخزنة فبالتالى سعتك النفسية بتكبر
و أنت بتقوى لازم تشتغلوا على نفسكوا بجد مش بقول دة دعايا بس فعلا الجلسات مهمة
حتى ممكن تعملها مع حد تعرفه كويس و شاطر لأن أحنا بنهتم بالصرف على الآكل و اللبس
و بنهمل أهم حاجة و بنستخسر ندفع فيها هى (نفسنا) مع أننا مش هنقدر نستمتع بأى حاجة من من غير ما تكون نفسنا مرتاحة .
دى تقريباً أهم النقط و عن تجربة لو طبقت دة مش هتلاقى تعلق مش هتلاقى نفسك
موجوع طول الوقت على حد أة ممكن لو حصل هتتعب شوية لأنك بنى آدم
بس الفترة ممكن متزدش عن أسبوع و هترجع لنفسك و لحياتك.
يا رب حياتكوا كلهااااااااا تبقى مليانه حب و حرية نفس و جمال
طب لو معرفتش اتخلص من الم ده في اسبوع خد وقتك عادي
كيفية التخلص من الم الفراق؟
من الصعب جداً أنك تتخلص من الألم بسرعة، لكن الوقت هو العامل الأهم في هذه الحالات. كلما زاد الوقت، كلما بتحس بتحسن أكتر. بس خلي نفسك مستعد للتقبل والتغيير.
حاول في الفترة دي تتركز على نفسك، أكتب أو ارسم أو اشتغل في حاجة حباها قلبك، حاول تخلق أنشطة تديلك نوع من التسلية وتعيشك معاها مرح وسعادة. أهم حاجة في الفترة دي إنك متشغلش بس بذكريات العلاقة اللي انتهت.
أنا عارفة إن الوحدة دي بتأثر على النفسية، بس الحياة مستمرة. حاول تكون إيجابي وتفكر في المستقبل. الفرص اللي جاية هتكون أحلى، ممكن تكون في حاجات أحلى وأفضل.
الأصحاب بيبقوا داعمين كبير في الأوقات دي. حاول تقضي وقت معاهم، تحكي، وتستمع. الدعم الاجتماعي بيقوي وبيساعدك تتجاوز فترة الألم دي.
ومهم جداً، حط خطة للمستقبل. حدد أهدافك وركز على تحقيقها. الحياة مستمرة وعلى الرغم من ألم الفراق، ممكن تكون الفرصة لبداية جديدة وحياة أفضل.
التغيير مش مرة سهل، بس يبقى لازم نكون أقوياء ونتحدي الصعاب. مع الوقت، هتلاقي الألم بيخف والأمور هتبتدي تبان أسهل. وأخيراً، اتذكر دايماً إنك مش وحيد، وفي ناس بتحبك ومستعدة تكون جزء من حياتك.
اسئلة شائعة
كيف اتعامل مع شخص بعد الفراق؟
بعد الفراق، كن صادقًا مع مشاعرك واحترم المسافة بينكما. حاول تركيزك على الشفاء الشخصي وتحديد حدود واضحة في التواصل.
