أزاى أتعامل مع الناس اللى حواليا اللى بتنتقدنى كتير ؟
عيلتى دائماً تنتقدنى برغم فى العيلة مبينتقدوش حد غيرى و دة بيحسسنى أن أنا قليلة 
دى مشكلة جت لى فى جلسة الأسبوع اللى فات.
.
.
بأختصار و ببساطة
طريقة تعامل اللى حوالينا أحنا اللى بنحددها لهم يعنى لو حد غلط فينا و بنسكت و بنعدى
(دة معناه تصريح (أتعدى تانى
فأول خطوة لازم نعملها نعبر عن أستيائنا من فعل الآخر.
المهم و أحنا بنعبر عن أستيائنا منغلطش فى اللى قدامنا
لأن لو غلطنا هنضطر أننا بعد كدة أحنا اللى نتأسف و يبقى ضيعنا حقنا و دة ممكن نعمله بتحضير رد حازم
بحيث تعبيرات وشنا و صوتنا بيعبر عن الجدية و بدون أستخدام كلمات جارحة.
الحاجة اللى بعد كدة أحياناً الأنتقاد بيكون بسبب أننا مختلفين عن البيئة اللى أحنا فيها
فأدراكنا أن الأنتقاد دة لأختلافنا مش لعيب فينا هيكون بمثابة ضمادة تخلينا منتوجعش لما يتم أنتقادنا
لأننا فى الغالب بناخد النقد على أنه رفض لينا أو لعيب فينا
آخر حاجة لازم نعرفها أننا عمرنا ما هنرضى جميع البشر و زى ما أحنا مبهرين لناس
ممكن ناس تانية تكون شايفة عيوبنا و بس و مش متقبلاه أو ناس
مبتعرفش أصلاً تشوف الحلو فى اللى حواليها و دة طبيعى جداً لأن حتى الأنبياء و الرسل
كان فى أختلاف عليهم و نقد و تجريح و أذى ليهم يعنى دى حاجة هتستمر لآخر الحياة
.
طبقى الخطوات البسيطة دى هتلاقى أعتراض من اللى حواليكى فى الأول أنك أصلاً بتوقفيهم عند حدهم
بس مع الوقت هتلقيهم بطريقة أتوماتيكية الطريقة اللى بتأذيكى
أنتى تستحقى أفضل معاملة
جرعة نور – نور البكري
