كلنا بنقُص الحقيقة على مقاسنا.

نتخيل أن الحقيقة قماش و القماش دة بيدخل عقل كل واحد فينا و يتقص بالشكل اللى يريحنا.
و دة بيكون على أساس أفكارنا و معتقداتنا اللى متخزنة جوانا هى اللى بتكون مسئولة عن شكل القصة.

ببساطة:
-واحدة بتخاف من الخيانة و جوزها كان برا و مردش عليها أول حاجة هتفكر فيها أكيد مع واحدة.
-واحد شايف أن الناس بتستغله أول ما مراته تطلب أقل حقوقها هيفتكر دائماً أنها بتستغله.
-شخص أتربى تربية فيها قسوة و طول الوقت حاسس أنه مش محبوب كل لما تقول حاجة عادى

أو تعمل أقل حاجة هيقول أنك مبتحبهوش.

كل واحد فينا بيشوف الحقيقة بعد ما يقصها و يشكلها على مزاجه.
الكلام دة لينا كلنا أنا و أنت و هو و هى و هما.

عشان كدة لازم نحاول دائماً نطلع برا عقلنا و نحاول نشوف الحقيقة بشكلها الحقيقى.

هو صعب و هنقع كتير بس المحاولة هتبداء تمرن عقلنا أن لو حتى شايف حتة القماش

على شكل مثلث أحتمال تكون سداسى الأضلاع فهيكون فى مرونة أكتر و حسن ظن أكبر.
نحاول أحنا عايشين فى الحياة بنحاول محاولات متكررة.

المحاولة دى عشان نفسنا اللى أتجرحت مرة و بقت شايفة حاجات كتير

ممكن تجرحها بنفس الشكل، بنتعبها معانا و نفضل نجرحها أكتر بأننا كل حدث أو شخص جرحنا

بنصنع قالب و أى حدث أو شخص يقابلنا لازم نخليه يمر بالقالب دة اللى فى عقلنا

عشان نوصل للحقيقة الخاصة المزيفة بينا أن هيحصل فينا اللى وجعنا قبل كدة و جرح فينا و نفضل فى دائرة آلم.

عشان كدة هنحاول عشان نفسنا تستحق أنها تكون مطمئنة

#جرعة_من_جرعات_نور

#للأنوثة_وعلاج_العلاقات