لا تلقى ببذورك كلها فى تربة واحدة لأن لو ألقتها كلها و لم تنبت هتخسر.
من الحكمة نضع بذرة و نترقب هتنبت و لالا.
نبتت ألقى تانى توقفت عن التنبت, أبدء بتغيير البذور, مش بتنبت برغم تغيير البذور,غير التربة .
بلاش نجازف بكل ما نملك فى أرض مفيش أمل فيها أو مش هتجنى ثمارها.
عشان انت الوحيد اللى هتزعل على مجهودك و تعبك اللى كان على الفاضى.
و هكذا فى العلاقات……
لما تجد شخص مناسب متستثمرش كل بذور حبك معاه، حط بذره و شوف ثمارها و ازرع تانى و شوف الثمار
بحيث تتأكد أنه الشخص المناسب ليك تماماً و هيقدر عطاءك و هو كمان عايز يزرع الحب فى نفسك.
لكن مفيش ثمار فى العلاقة و زرع و بذل من طرف واحد، اجمع بذور حبك و ازرعها فى قلب بيثمر مش قلب بور.
الحب حلو بس أهم حاجة نوجهه صح.
مضيعش بذورك على الفاضى، مشاعرنا أغلى بكتير من أنها تهدر.
جرعة نور – نور البكري
