لو أنتى مسئولة عن نفسك و أرهقتك المسؤولية المادية.
أنا عارفة المسؤولية عليكى كأنثى بترهقك نفسياً غير لما يكون فى رجل فى ضهرك.
لكن أعرفى أن (الله خير الرازقين) و أن هو مصدر الرزق الرئيسى
حتى لو مش موجود الرجل و ناقص فى حياتك دور الرجل و بتقومى بالدورين.
أتوكلى عليه و هيسهل لكى الرزق زى ما سهل لمريم و أفتكرى الآية اللى بتقول :
(كُلَّمَا دَخَلَ عَلَيْهَا زَكَرِيَّا الْمِحْرَابَ وَجَدَ عِندَهَا رِزْقًا ۖ قَالَ يَا مَرْيَمُ أَنَّىٰ لَكِ هَٰذَا ۖ
قَالَتْ هُوَ مِنْ عِندِ اللَّهِ ۖ إِنَّ اللَّهَ يَرْزُقُ مَن يَشَاءُ بِغَيْرِ حِسَابٍ (37) ال عمران
ربنا كريم هيبعت لك رزقك بكل سهولة بس أؤمنى أن هو الرزاق.
و فى حاجة مهمة جداً أنك حالياً مسؤولة و لكن لما يظهر الرجل المناسب فى حياتك
تخلى عن تحمل المسؤولية الخاصة بالرجل و هتكون مهمته و دوره هو.
أنتى متحملة دة مؤقتاً لأن مفيش شخص بيقوم بدور الرجل لكن ظهر الرجل تحمل القوامة و دوره.
لأن فى إناث بتعيش الدور دة حتى بعد ظهور الرجل و دة أحياناً بيخل بتوازن العلاقة و بدوره و برجولته.
