لو مش مستعد تتجوز دالوقتى .. متتجوزش.
لو مش مستعد تخلف دالوقتى .. متخلفش.
الحكاية مش أعمل الحاجة عشان مفروض و خلاص.
أعمل الحاجة عشان عايز أعملها، عشان لما أعملها أقدر أعطيها من مجهودى و طاقتى و أقدر أنجح فيها.
لأن الجواز و أنك تكون مسئول عن أطفال محتاج من طاقتك و مجهودك
عشان تنجح فى علاقتك و تربى أولادك صح.
لو معندكش أستعداد فى الوقت الحالى بلاش تدخل علاقة عشان هتفشل
و لو مش هتراعى و تعطى أولادك من طاقتك و حبك بلاش تجيب أولاد لأن هيتشوهوا نفسياً.
مش أد مسئولية الجواز و التربية و العطاء و التواجد اللى بجد
مش بمجرد جسد سواء ست أو راجل متتجوزوش و متخلفوش.
المجتمع مش محتاج مزيد من العاهات العاطفية اللى بتحصل بسبب أرتباطات فاشلة و تربية غلط.
مع ايمانى ان الفشل بيعلم و التربية الغلط الطفل لما يكبر فى ايده يظبط نفسه
بس مع ذلك الأفضل نتأهل ثم نقبل على الشئ
