ليه البنت بيتم وضعها فى الـFriend zone

فى البداية نعرف أية هو مصطلح الـ Friend zone

– المصطلح دة بيطلق على الشخص اللى الجنس الآخر لا ينظر له على أنه حبيب أبداً

لكن بيتم وضعه فى منطقة الصداقة أو الأخوة فقط.

و طبيعى أن أى شخص بيمر أنه يكون فى الـFriend zone

لكن تكرار التجربة مع عدد من الأشخاص و بيوصل لنفس الوضع؟!!

هنا الأفضل ننظر للأسباب ال Friend zone

أولاً : الجدعنة.
البنت الجدعة صفة حلوة جداً و لكن البنت اللى بتبرز الصفة دى بس و بتخفى مميزاتها الآخرى كأنها بترسل رسالة

أنا شخص قادر يتحمل المسؤولية و الأعتماد عليه لكن لا أملك أكتر من كدة.

ثانياً : طمس الجانب الأنثوى.
أى بنت بتمتلك الأنوثة لكن فى كتير عايشين طمسين أنوثتهم و دة بيظهر فى تعاملاتهم و لبسهم و طريقة كلامهم.
و أى رجل متزن بيحتاج لأنثى لينجذب عاطفياً.

ثالثاً : عدم توازن المشاعر.
جميل أن البنت تتواصل مع أنوثتها لكن لو مفيش أتزان مشاعر هتظهر (مدلوقة) و و دة بيقلل من جاذبيتها جداً كأنثى.

رابعاً : عدم الثقة.
طيب لو البنت بتظهر مشاعرها بزيادة ممكن تكون جذابة جداً (و دة كلام بيتناقض مع ثالثاً) لأن فى حالة مهمة أظهار المشاعر

مع الثقة بالنفس دة بيكون جذاب و بيضفى للأنثى بريق.

خامساً : عدم أستحقاق الحب.
البنت اللى بتنظر لنفسها أنها غير مستحقة للحب بتتعامل بطريقة مع الجنس الآخر

بحيث أنه لا يعطى لها الحب كأنثى و دة بيحدث بشكل لاواعى.

سادساً : النفور من الجنس الآخر.
أحياناً البنت بتكون داخلياً عندها رفض للجنس الآخر بسبب تجربة سابقة أو رفض للأب و هو النموذج الذكورى الأول

اللى بتتأثر بى فى حياتها بشكل غير واعى.
فالبنت تكون حابه أنها ترتبط و لكن رفضها الداخلى بيدفعها بعيد عن الأرتباط.

البنت اللى بتتحط فى الـ Friend zone

ممكن تكون جميلة جداً أو ناجحة أو جذابة أجتماعياً و لكنها محتاجة تظبط نقط بسيطة

عشان تخرج نفسها من الدائرة دى.

لأنها لا ينقصها أى شئ غير أنها تبرز الجمال اللى جواها بشكل صح و بطريقة سليمة.
ممكن نقول توظيف أمكانيات