بنعتقد أننا بنورث من أهلنا المال و الجينات و لكن اللى بنتغافله أننا أحياناً بنورث نفسيتهم و أدوارهم كمان.
بمعنى ؟؟؟؟ الكلام مش واضح ؟؟؟
بمعنى أننا بنتوارث مشاعرهم و أفكارهم و أدوارهم المختلفة فى الحياة فى العلاقات أو مع المال أو الشغل.
هوضح أكتر.
– أنثى والدتها مكنتش بتهتم بأنوثتها و غير قادرة أنها تتعامل مع زوجها بنتها ممكن تورث عدم أهتمامها بأنوثتها و عدم القدرة على التعامل مع زوجها.
– رجل كان والده بيخون والدته من الممكن يورث دور الخاين.
– شخص كان يعيش مع آسره فقيرة كل أفكارها عن الفقر من الممكن أن يرث أفكار الفقر.
– شخص والده كان بيفتح مشروعات و تفشل جميعها من الممكن أن يرث الفشل او يخاف من الفشل فيفشل.
– شخص والده عصبى أو عنيد أو متحكم من الممكن أن يرث عصبيته أو عنده أو تحكمه.
– أنثى والدتها ضعيفة أو يستغلها الآخرين من الممكن أن ترث الضعف و السماح بالأستغلال.
– شخص أتربى فى عائلة بتشعر بالغضب من الممكن أن يرث مشاعر الغضب.
و هكذا فأحياناً بنتبنى أدوار و مشاعر و أفكار و سلوكيات مش بتخصنا و لكن أحنا مجرد ناقلين لها.
عشان كدة لازم نسأل أسئلة مهمة :
– هل ما أشعر به مشاعرى ؟
– هل ما يدور فى عقلى من أفكار أفكارى ؟
– هل الدور المتبنية هو دور حقيقى أريد أن أقوم به ؟
فى الغالب هتكتشف أنت عايش و بتحمل ما لا يخصك .. أتخلى عن ورثك اللى بيضرك .. و أبدأ كون نفسك من الصفر.
#جرعة_من_جرعات_نور
#للأنوثة_وعلاج_العلاقات
