مش مشكلتك و لا ذنبك أنك مش عاجب اللى قدامك.
دى مشكلته هو ( أنت هو أنت بحلوك و وحشك).
و لو عايز تتغير للأفضل عشان أنت شايف دة أفضل ليك و لحياتك.
لكن بلاش تعيش داخل دائرة أتغير عشان أعجب حد (هتفضل تلف فى نفس الدائرة و مش هتعجب).
عشان كدة أتغير عشان أنت حابب تكون أفضل .. دة تمام.
أتغير عشان اللى أنت فى بيعود عليك بالسلب و عايز تتغير للأفضل .. دة حلو.
عشان بتحب الشخص الآخر و تصرفاتك بتأذيه .. دة يبقى عظيم.
لكن تتغير عشان تحصل على إعجاب شخص و تبقى حاجة أنت مش عايز تكون عليها يبقى
أنت بتفقد نفسك و قريب بردوا هتفقد الشخص اللى بتحاول تحوز على إعجابه.
(لأنك ممكن تتغير بعض الوقت عشان حد لكن مش هتقدر تتغير طول الوقت،
غير لما تكون مقتنع و بتعمل دة فى المقام الأول عشانك).
أتغير من منطلق حبك لنفسك و حبك للآخرين بس دة التغيير اللى بيدوم.
