مصيبة بيعملها أى أتنين فى بداية العلاقة.
بيتعاملوا بطريقة غير طبيعتهم فى البداية و يغيروا التعامل دة بعد الأرتباط أو الزواج.
.
.
قبل الأرتباط هدايا و فسح بعد الأرتباط معلش أنا مشغول أو نسيت.
قبل الأرتباط أهتمام بالشكل و المظهر بعد الأرتباط ما هو متعود عليا مش مشكلة.
قبل الأرتباط أهتمام و دلع بعد الأرتباط خلاص بقى أحنا عدينا المرحلة دى.
قبل الأرتباط نشوف الشخص بيحب أية و نعمله بعد الأرتباط مبنعملش و بنستنى الطرف التانى يعمل و بس.
.
.
.
و نستغرب و نزعل هو أحنا ليه علاقتنا بعد فترة من الأرتباط أو الزواج بتفشل?
ببساطة شديدة لأن الشخص لما أنجذب لك فى البداية و قرر يكمل معاك هو عمل دة
لأنه وجد حاجات هو بيحبها و عايزها و شايفها مناسبة له و لحياته، لكن بعد فترة بيجد الشخص دة
أتغير و أتحول و أصبح شخص آخر مش دة الشخص اللى أختاره.
(على رأى عمرو دياب ( مين اللى قدامى دة واحد معرفوش
عشان كدة من البداية نتعامل بطبيعتنا بتحب تهتم أهتم، بتحبى تهتمى بجمالك أهتمى
، بتحب تقدم الهدايا قدم، بتعرف توازن بين شغلك و بين علاقاتك أعمل دة لكن مبتحبش
و مبتعرفش متتظاهرش بحاجة مش هتقدر تقدمها فى المستقبل.
لأن دة من الأسباب الرئيسية فى فشل العلاقات
(الشخص ياخدك على أساس حاجة و يلقيك حاجة تانية)
شبه اللى أشترى ميكروويف عقبال ما روح البيت لقاه خلاط، طبيعى الشخص لازم يتصدم و لازم العلاقة تبداء تنهار.
طبيعى كل فترة بنستكشف الطرف الآخر و بنعرفه على حقيقته أكتر لكن كل لما كنت حقيقى فى البداية بقى أفضل.
أتعامل بطبيعتك بقلبك بشخصيتك و متقدمش غير اللى تقدر تقدمه فعلاً لطول العمر
لأن غير كدة بيتحط أول طوبة فى تدمير العلاقة فى المستقبل.
كونوا من البداية نفسكم و بس.
جرعة نور – نور البكري
