مفيش واحدة أتخلت عن أنوثتها بمزاجها، فى واحدة المجتمع أنتزع منها أنوثتها بالعافية.
لما تكون لوحدها و جوزها تعبان أو متوفى و تلاقى نفسها هى المسئولة الوحيدة عن نفسها و عن أولادها
أو نلاقى راجل تجرد من رجولته تماماً و مبيصرفش على مراته و أولاده فى مقابل نزواته.
و ملهاش أهل يساعدوها و مفيش دولة بتعولها برغم الضرائب اللى بتتاخد مننا على النفس حتى اللى بتتنفسه.
يبقى طبيعى نلاقى أنثى بتتجرد من أنوثتها و بتتنازل عنها عشان تعيش.
عادى نلاقى أنثى سواقة توكتوك و عادى نلاقى أنثى بتاعت أنابيب و عادى نلاقى سواقة بتسوق مقطورة أو سباكة.
متفتكروش أن فى واحدة بتشتغل أى شغلانة من دى عشان بتحب تقضى الويك أند فى
اللى بتوصل للمرحلة دى بتبقى وصلة لمرحلة اليأس و الأرهاق و تحمل المسئولية اللى بيفوق طاقتها.
أة كانت ممكن تشتغل شغل أرحم من دة و أقل قسوة.
بس مينفعش نحكم على حد مر بظروف تعبته و وجعته.
بس ينفع نقول شكراً لكل أنثى تخلت عن فطرتها فى وقت الصعاب عشان تعيش و تبنى أولادها.
شكراً لكل واحدة المجتمع مرحمهاش و موفرش ليها الحماية و الأمان فى الظروف الصعبة.
شكراً لربنا أنه بيديها الطاقة و المقدرة اللى تتحمل بيها ما لا تطيق.
طول الوقت برفض كلمة ( الست بـ100 راجل) لأن مينفعش تتقارن براجل لأنها أنثى و الراجل و الأنثى مختلفين .
بس أحب أقول أنها بتبقى أجدع من 1000000 راجل و ربنا بيقدرها و بطلع أمكانيات أجدع من 100 راجل مكنش راجل
و تخلى عن مسئوليته و أجدع من رجالة مسئولة فى الدولة مفكرتش أزاى تحافظ عليها و على كينانونتها.
تحية لكل أنثى تنازلت عن أجمل ما تملك من أجل البقاء و الحياة ليها و لعيلتها
جرعة نور – نور البكري
جر
