مينفعش نتجوز زى زمان أى حد و السلام.
زمان الست و الراجل كانوا بيتجوزا خلاص مفيش حد تانى فى حياتهم.
ميعرفوش تفاصيل حياة حد فمفيش مقارنة.
مفيش زمايل فى العمل بيتعاملوا كويس و بيقدموا أحتواء فى المقابل الزوج أو الزوجة منكدين فى البيت.
مفيش فيس بوك طول الليل و النهار بنشوف ناس بتلمع مش حقيقية معظم الوقت.
مفيش رضا عن اللى اتجوزناه و أخترناه لأننا بنشوف فى أحسن.
مفيش حاجة اسمها أنت أو أنتى الوحيدة فى حياتى، دالوقتى فى شريكة حياتى و صاحبتى و قريبتى و زميلتى.
الحياة مبقتش زى زمان، عشان كدة مينفعش أى جوازة و السلام.
لازم تختار حد يملا عينك و قلبك و عقلك و روحك.
لأن لو مخترتش حد كدة بقى سهل تلاقى اللى يعمل دة بس هيكون متأخر.
دة مش معناه الموافقة على اللى بيحصل فى الزمن دة.
لكن معناه أحنا خلاص بقت حدود علاقتنا مفتوحة أوى،
فلازم نلاقى اللى يخلينا ملتزمين بحدودنا برغم أن حدودنا مفتوحة و ممكن نطلع خارجها.
أستقرار الحياة العاطفية مبقاش سهل زى الأول (أختيارك الصح من الأول على أد ما تقدر للى يملاء كيانك
هيفرق فى نجاح العلاقة و أستقرارها بأحتماليات أكبر من أنك تتجوز و جوازة و السلام.
