الوقت اللى أعتقدنا فيه أننا بنحب الآخر أكتر من نفسنا.
أحنا كنا محتاجينة و مش شايفين غير نفسنا لدرجة أننا بتنازل عشان نحصل منه على أحتياجنا.
بمعنى ؟
أنثى حبت شخص و تنازلت عن حقوق كتير فبدأ يهملها و يتعدى عليها.
هنا الخلل مش أنها حبيته هى أحتاجته لدرجة التنازل من أجل أحتياجها.
بنعتقد أن الخلل أننا حبينا الشخص بزيادة و لكن الخلل أننا كنا بنحاول نحب نفسنا و نشبع أحتياجنا من خلال الآخر.
الحل ؟
كل لما كان مصدر أشباعنا البشر و بننسى أننا نشبع نفسنا من المصدر الذى لا ينفذ (هنمر بحالات خذلان متكررة).
مصدر الأشباع الرئيسى هو الله .. مصدر الحب الرئيسى هو الله.
حتى لما بشر بيشبعنا فربنا اللى بعت الشخص دة .. فلما بنبص للشخص و ننسى المصدر الرئيسى.
بنتعلق بالشخص عشان بنفتكر هو المصدر.
دائماً محتاجين نفكر نفسنا أن الله هو مصدر الحب و الأشباع و أننا نحس بالحب من خلال الله.
لا دائم و لا باقى غير (الله).
جرعة نور – نور البكري
