لو أهتميت بى هبقى بخنقه و هيبعد ؟؟؟؟؟؟؟ ?
دى الرسالة اللى بتوصلها أغنية أنا مهتمة بالتفاصيل بتاعت أصالة
هى الأغنية بتبداء كويسة جداً
انا المهتمة بالتفاصيل في كل حاجة بتخصّك
هتاكل ايه وتشرب ايه، وبختارلك كمان لبسك
انا الصاحية ف عز الليل لأي حجة بتمسّك
ولو بتقول حبيبي الآه، مشاعر قلبي بتحسّك
لحد هنا الأفعال شكلها حلو جداً و اللى بتعمله يعتبر فى أى علاقة كويس
و يضيف لها بس واضح جداً أن جوزها أو حبيبها بردوا مش عجبه العجب 
و دة ظهر لما قالت
انا اللي ساعات تقول عنها انها خنقاك
- طيب ليه يعنى هو دة جزاء الأهتمام
- هو مش ربنا قال ما جزاء الأحسان إلا الأحسان أية اللى حصل أية الغلط
الغلط فى اللى جاى
في كل مكان تلاقيها كأنها ضل ماشي وراك = يعنى بتقيد حريته
انا اللي ناسية دنيتها، وعايشة حياتها لسيادتك = يعنى لغت نفسها و بتعطى على حساب نفسها
انا اللي حبيبي سعادتها بتكمل بس بسعادتك = هى ملغتش نفسها و بس لا كمان - ربطت سعادتها بسعادته و كأنهم أتوحدوا
انا اللي عودت روحها على طبعك وعلى عادتك = دى حاجة كويسة أنك تتأقلم مع عادات شريك حياتك - دى مفهاش مشكلة
بتدّلع؟ ما تدلّع! مانا اللي حبيبي عودّتك = الجزء دة خطير و حلو أوى فى نفس الوقت- (أنا يا حبيبى اللى عودتك) أعرف أن أى حاجة فى العلاقة بتأذيك أنت اللى من البداية
- عودت الشخص عليها بأنك موقفتش الأذى من البداية.
فى الآخر خالص بتقول
انا اللي بتشتكي منها، لكن عنها متستغناش
انا اللي الدنيا من غيرها متبقاش دنيا ولا تتعاش
و حقيقى جداً أن ممكن ميستغناش عنها بالحب و الأهتمام بس كل حاجة بتوازن جميلة
حب و أهتم و شوف حبيبك بيحب أية و أعمله و كمان دلعه بس متنساش نفسك
عشان اللحظة اللى هتنسى نفسك أنت بتسمح للطرف الآخر أنه يتعدى عليك أو ياخدك كحق مكتسب.
حلو أننا نحب لكن بتوازن
#جرعة_من_جرعات_نور
#للأنوثة_وعلاج_العلاقات
#نور_البكري
