هل أنت مسامح نفسك ؟ و لا مش قادر تسامحها ؟

ليه ممكن أكون مش قادر أسامح نفسى ؟

1- جلد الذات

أنى شخص بجلد ذاتى على كل فعل و فى الغالب فى تربيتى كنت بتلقى اللوم دائماً.

فأصبح طريقة تعامل بتعامل بها مع نفسى و أن أقل حاجة بتشعرنى بالذنب.

2- توقع المثالية.

التوقع الدائم أن هكون مثالى و لا أخطاء فبمجرد ما بخطاء بنهار لأن توقعاتى عن نفسى أعلى من آدميتى.

و فى الغالب فى التربية أتربى الشخص على المثالية و تم وضع له صورة مثالية و أنه شخص لا يخطاء و دائماً متوقع منه أنه يعمل الصح.

فبيتعامل مع نفسه بشكل صارم و بيكون وضع لنفسه صورة ملائكية و أى فعل خاطئ بينظر لنفسه على أنه شيطان.

و هو فى الأول و الآخر إنسان يصيب و يخطاء.

3- تحمل مسؤولية الآخر.

أنا مسؤول عن الآخر و أخطاءه و لو صدر حتى خطاء من الآخر يبقى هى غلطتى أنا المسؤول عنها.

و فى الغالب فى تربته كان بيتم تحميله مسؤولية أخواته و أخطاءهم أو الوالدين كانوا محلينه مسؤولية علاقتهم و خناقتهم و الإصلاح بينهم.

4- صدمة قوية أدت للشعور بالذنب.

المرور بتجربة أو بموقف كنت سبب فيها بأذى شخص بدون تعمد أو ممكن لم تكن السبب و لكن تعتقد أنك السبب.

طيب أية الخطوات و الأفكار اللى ممكن تساعدنى كبداية فى طريقى للتسامح مع ذاتى ؟

1- إدراك أن الشعور بالذنب طبيعى و أنه موجود ليدفعنا أننا نصلح ما أفسدناه و لكن مش من أجل نعيش فيه.

2- إدراك أن طبيعى أنى أخطاء لأنى إنسان وحقى أشعر بالذنب و طبيعى.

3- إدراك أنك مسؤول فقط عن نفسك و عن أفعالك و عن نواياك و ليس عن الآخر.

4- إدراك تعاملاتك المسيئة مع ذاتك و الوعى بها و بدء تغييرها.

5- أعترف لنفسك أنك غلطت بس الجميل أن فى فرصة أن تصلح خطاءك.

6- أستغفر الله و أعلم أنه غفور رحيم – أعتذر لنفسك.

7- أعمل 5 حاجات تصلح بها خطاءك فى حق نفسك.

8- أكتب لنفسك جواب عبر فيه عن مشاعرك و أعتذر فيه لنفسك.

9- أعتذر لشخص لو كنت سبب أذى له.

10- لو غير موجود أو مش هينفع تتواصل معاه أكتب له جواب حتى لو مش هتبعته.

11- أخرج صدقة عن الشخص أو أعمل خير للشخص نفسه أو لأشخاص آخرين (إِنَّ الْحَسَنَاتِ يُذْهِبْنَ السَّيِّئَاتِ)صدق الله العظيم.

12- أتعلم من خطاء الماضى و غير فى نفسك ما يلزم و خد قرارات جديدة.

13- كن صبور مع نفسك و مش شرط تسامحك لنفسك يجى فى يوم و ليلة و لكن المهم أن كل يوم بتاخد خطوة و بتحاول و أحترم محاولاتك و خطواتك.

أخطاء .. أستغفر .. أعتذر .. أوصل لوعى .. أصلح .. سامح 

قلوبكم مليانه تسامح و حب ❤

#جرعة_من_جرعات_نور

#للأنوثة_وعلاج_العلاقات