8 طرق لشفاء و تظبيط نفسيتك بطرق بسيطة و سهلة و متاحة للجميع <3

1- جربى تشغلى مزيكا و تسيبى جسمك يتحرك معاها زى ما يحب و تفصلى عن كل حاجة و تتناغمى مع المزيكا بس.

2- جربى تجيبى ورقة و ألوان و ترسمى و تلونى عشوائى باللى حساه و بس و مش مهم أية الرسمة هيكون شكلها أزاى.

3- جربى تجيبى ورقة و قلم و تكتبى اللى جواكى من غير ما تنتقى كلماتك و لا تخططى هتكتبى أية؟

4- جربى بعد ما تصلى أو قبل ما تنامى تتكلمى و تقولى كل اللى جوا قلبك و أنتى متيقنة أن ربنا الوحيد اللى هيسمعك من غير ما يفهمك غلط و هيتقبلك و لا كمان هيدبر لك.

5- جربى تكلمى نفسك و تناقشيها فى أفكار بضرها أكتر ما بتنفعها  و تغيرها؟

6- جربى تلعبى رياضة و انتى بتلعبى تحسى أنك بتخرجى كل الطاقات السلبية اللى جواكى؟

7- جربى تاخدى دش و المياة تنزل عليكى و هى بتلمسك تحسى أنها بطهرك من كل اللى جواكى؟

8- جربى تقعدى فى مكان فى طبيعة أو حتى من الشباك تتأملى السماء أو الطيور أو الزرع و تفصلى و تحسى جمالهم و إبداع الخالق؟

الشفاء له أشكال كتير جدا و الفصلان و السعى أن نفسيتنا تكون أفضل له صور كتير و ممكن تكون بسيطة و متاحة للجميع.

بس هو عايز أستمرار و عزيمة و تسبقها نوايا ❤️

أحفظى القائمة عندك و كل لما تحسى بخنقة أو حزن أو ثقل أو نفسيتك مش متظبطة أستخدمى طريقة و هتفرق معاكى.

جربى ????

#جرعة_من_جرعات_نور 

#للأنوثة_وعلاج_العلاقات