هل الرجل يشعر بقلة قيمته مع علو شأن زوجته ؟
هل الرجل يشعر بقلة قيمته مع علو شأن زوجته ؟
Crazy Rich Asians هجاوب على السؤال من خلال علاقة فى فيلم أسمه
(Astrid) هى علاقة
بزوجها
هى كانت شخصية من عائلة كبيرة و غنية جداً و كانت تمتلك جمال و ذكاء بالأضافة كانت بتدير بيزنس العيلة كلها
و برغم السلطة و القوة كانت تمتلك جمال القلب و الأنوثة و النعومة
و لكن فى علاقتها مع زوجها برغم حنيتها و أنوثتها و جمالها
كانت بتخاف دائماً على مشاعره أنه يشعر أنه أقل منها بسبب مالها و سلطتها
فكانت تشترى أغلى الأشياء و بتخبيها خوفاً أن زوجها يرى المشتريات و يشعر أنه قليل
كانت علاقتهم مستقرة الا انها اكتشفت خيانته ليها
و أول شئ لما وجهته بخيانته قالها أنها مش بتهتم غير بنفسها و عيلتها و أن معظم الوقت فى أى تجمع كان بيشعر أنه أقل
و فى المشهد اللى قررت تنفصل عنه و هو بيحاول يقنعها أن الفشل كان بسببها مش بسببه هو
***
فجاوبت أجابة حاسمة : أنه كان خطاءها أنها تخبى المشتريات الغالية عنه و عروض العمل و أعمال الخير خوفاً على شعوره بالنقص
لأن المشكلة مش مال عائلتها و لكن هو اللى توقف عن المحاولة فى نجاح زواجهم
و أنها أكتشفت أن مش وظيفتها أنها تحاول تشعره أنه رجل لأنها غير قادرة أنها توصله لشئ هو ليس عليه
هل دة معناه أن الرجل بيشعر من النقص مع نجاح الزوجة و تفوقها المادى و العملى ؟
(Astrid)فى نقطة هنا مهمة قبل ما نجاوب : محاولة
أنها تشعره أن مفيش نقص أو مشكلة عنده كرجل هو فى حد ذاته أعتراف أن هناك نقص
هى كانت لازم تتعامل بطبيعتها و تتعامل مع مميزاتها على أنه شئ عادى
لكن التركيز على المميزات اللى بتملكها و خوفها من أنها تشعره بالنقص بالفعل وصل لزوجها دة بأنه عنده نقص
أحياناً فى سلوكيات ممكن تكون أيجابية لكن بتوصل للآخر بشكل سلبى.
فهى ساهمت فى الأحساس دة بالاضافة أن هو كان بيشعر بالنقص
لأن الرجل بيحب يكون صاحب التفوق العملى لأن بالفطرة دة دورة
و لما الأنثى بتتفوق أعلى بكتير على مستوى الجانب دة بيشعر أن فى منافسة و حاجز.
لذلك الأفضل على مستوى الجانب العملى و المادى لا يفضل أن يكون الفرق كبييييير.
خصوصاً لو كان الفرق لصالح الأنثى لأن بيشعر أن رجولتة مجروحة .
دة فى حالة الفرق الكبييييييييييييييييير و ليست فروق بسيطة أو طفيفة.
أما فى حالة أن رجل ناجح فى مجاله و بيشعر بكيانه و بقيمة نفسه و بقيمة اللى بيقدمه
مش هيشعر بأى تهديد أو منافسة من الأنثى مهما كانت ناجحة فى مجالها.
جرعة نور - نور البكري
