العمل الحر للأنثى

أنا بشجع أن الأنثى تعمل عمل حر بحيث مواعيده متكونش كبيرة و تقدر توازن بين

 علاقتها بنفسها و الحفاظ على أنوثتها.

 علاقتها بشريك حياتها.

و طبعاً تكون قادرة على التواجد مع أولادها لأنهم أكتر حد محتاجها خصوصاً فى طفولتهم.

 و شغلها بحيث أنها بتكون بتقدم قيمة.

طيب ممكن نبتدى دة أزاى؟

أولاً: تعرف هى مميزة فى أية.

مفيش مخلوق على وجه الأرض مش مميز فى حاجة.
تبدأ تبحث عن مميزاتها و أية القيمة اللى تقدر تقدمها و تفيد الناس بيها.

ثانياً: التعلم.

تبدأ تتعلم كل حاجة تخص ميزتها عشان تثقلها بالعلم و لو مفيش دخل مادى ممكن تبدأ بمقالات و و ڤيديوهات

و أستعارة كتب لحد ما تكون قادرة على حضور كورسات ورش و شراء كتب. 

ثالثاً: التسويق.

تتعلم أزاى تسوق لنفسها و للقيمة اللى هتفيد بيها الناس.

خطواتك فى البداية محتاجة مجهود بس هتوفر لك وقت كبير جداً بعد ما تكونى حرة فى شغلك.

هيوفر لك وقت و هيوفر لك مال و هيوفر لك أضافة قيمة لنفسك و للناس.

اللى حب الفكرة يبدأ فيها و أن شاء الله تكون أضافة لحياته.

جرعة نور - نور البكري