أزاى أحقق أهدافى ؟
أزاى أحقق أهدافى ؟
قبل ما تكملى المقال عايزة تستفادى فعلاً
أقرى المقال بعد كدة هاتى ورقة و قلم و طبقى خطوة خطوة
فى البداية أسئلى نفسك أية هى أهدافى؟
و أكتبيها كلها
عشان تحققى أهدافك محتاجة وقت و مجهود و مال.
و أكيد طاقتك مش هتتحمل كل الأهداف دى.
عشان كدة أختارى ٣ أهداف أولوية و الباقى التركيز مش هيكون قوى عليها.
طيب أختار الأولوية أزاى؟
بأنك بتحقيقك الهدف دة هيعطيكى مشاعر أفضل و طاقة تكملى بقيت الأهداف
و هيخلى تحقيق الأهداف أكثر سهولة.
يعنى مثلاً أهدافى
أشتغل فى مجال بحبه.
(صحتى تكون أفضل (أروح الچيم - أكل صحى
تكون علاقتى أفضل مع نفسى.
دول أهم 3 أهداف لأن لو حققتهم هيبقى سهل عليا أحقق الباقى
أختارتى الأولوية من أهدافك طيب أحققهم أزاى؟
أسأل نفسك الأول سؤال.
أية الغلطات اللى عملتها خلتنى محققش الأهداف دى،
و ركزى على غلطاتك أنتى مش على غلطات غيرك.
و بعد ما تكتبى الغلطات، أكتبى أزاى هتتفادى دة عملى و أية القرارات الحازمة اللى لازم تاخديها
فى حياتك عشان متتكررش تانى؟
أعملى التمرين دة مهم جداً
دالوقتى هجيبى كل هدف من الأهداف الثلاثة و تكتبى تحت كل هدف ممكن أحققه أزاى؟
مثال
هدفى أشتغل شغل بحبه.
أحدد أية هو الشغل.
أية المهارات الازمة عشان أشتغل فى الشغل دة.
أية الكورسات و الكتب اللى هتساعدنى عشان أكتسب المهارات دى.
أية الشركات اللى ممكن أقدم فيها.
أعملى التمرين دة
بعد ما كتبت ممكن أحققه أزاى؟
همسك خطوة خطوة و أحطها فى الفعل.
بمعنى لو خدنا مثال : أشتغل شغل بحبه.
همسك مثلاً أول خطوة : أنى أشوف المهارات اللى محتاجها عشان اقدر اشتغل فى الشغل دة.
عن طريق البحث على الانترنت يومياً لمدة ساعة.
أسأل متخصص فى الشغل عن المهارات.
متابعة صفحات لها علاقة بالشغل دة.
لمدة أسبوع يومياً.
يبقى كدة حولنا الخطوة لخطوات تطبيقية قابلة للتنفيذ.
هنطبق دة على كل الخطوات اللى عملناها .
deadlineأعمل جدول زمنى حاولى متسبيش الوقت مفتوح معاكى الأفضل تعملى .
يعنى الخطوة الواحدة فى الهدف اعرف مدتها الزمنية أد أية لو طبقنا على المثال بتاعنا بتاع الشغل.
خطوة معرفة المهارات الازمة أكون محدد لها أسبوع مثلاً.
الخطوة اللى بعدها اخد الكورسات و اقرأ الكتب عشان أكتسب المهارات دى هتاخد ٣ شهور و هكذا.
و بكدة بأختصار شديد قولنا أزاى نقدر نحقق أهدافنا بخطوات بسيطة.
المهم طبقوا التمرين كاتبياً لأنه هيفرق معاكى.
أهدافك محققة كلها ان شاء الله.
جرعة نور - نور البكري
