أوعى تقللى من نفسك
أوعى تقللى من نفسك لمجرد أنك لسه مشتغلتيش الشغل اللى بتحبيه
أو متجوزتيش أو موصلتيش للأنتى عوزاه لأن ببساطه.
ربنا قال
( ولقد كرمنا بني ادم وحملناهم في البر والبحر ورزقناهم من الطيبات وفضلناهم على كثير ممن خلقنا تفضيلا )
صدق الله العظيم
فبلاش تقللى من نفسك لأن ربنا كرمك من غير أى حاجة.
حلو جدا أنك تعملى حاجة تفيدك و تفيد غيرك فى الحياة بس متربطهاش بقيمتك.
و تقدرى تقدمى قيمة ببساطة طول الوقت بكلمة تطبطب على قلب اللى قدامك أو نظرة أحتواء أو حتى دعوة
مشكلتنا أننا ربطنا القيمة اللى نقدمها فى الحياة بحاجات كبيرة
مع أننا ممكن نقدم القيمة دى طول الوقت بحاجات بسيطة.
لعل قليل مستمر خير من كثير متقطع.
أعرفى أنتى مكرمة و مش قليلة و دة بتصديق من خالق الكون و هتحتاجى تصديق مين من بعده.
جرعة نور - نور البكري
