ما هي المواصفات الواجب توافرها في شريك الحياة؟

*ايه المواصفات اللى لازم تكون موجودة فى شريك حياتى؟

متحطيش مواصفات محددة

*ليه؟

لأن أحياناً أنك تحطى صفات معينة مبيبقاش دقيق بل بالعكس بيجى بنتيجة عكسية

*أزاى؟

 بالظبط زى واحدة راحت لخياط وقالت له أعمل فستان فى ترتر و لولى و سوست

و جيوب و قصة من الجنب وبعد ما الفستان يخلص تلاقي الفستان شكله مش حلو ! و أوڤر و مش مناسب ليها

*بس احنا بنتكلم على شخص مش فستان 

ما انتى ممكن تكونى عايزه مثلا حنين و غنى و طموح
مثلاً حنين دى ليها تفاصيل كتير أوى، أية نوع الحنيه و بيقدمها أزاى

و فى مواقف أية و بنسبة اد اية (أصل لو زادت عن حدها تضايق و لو قلت أو متعملتش فى مواقف معينة بشكل معين هتزعل)
مثلاً غنى بدرجة اد اية و ازاى وطريقة صرفه و أسلوب حياته و مصدر الفلوس و درجة انشغاله كل دة ممكن ميكونش مناسب ليكى
الموضوع بتاع تحديد الصفات دة واسع أوى و لو دخلتى فى مش هتخلصى و هتوهي و ممكن تجيلك الصفات و متحسيش دى الحاجة اللى عوزاها
و ممكن تجى لك صفات و متطلعش دى الصفات اللى محتاجاها و مناسبة ليكى

• *طيب اختار ازاى؟

  حطى أهدافك من العلاقة اللى بيقولوا عليها دائماً

  Relationship goals

  زى مثلاً:
  -تقديم الدعم النفسى و الأحتواء بالشكل المناسب ليا و له.
  -نتعاون مع بعض للتطوير من بعض على جميع المستويات.
  -نكون مصدر الكرم و العطاء لبعض.
  -يقوم بدور القوامه كامل و أقوم بدورى كأنثى و كل واحد يقوم بدوره بطريقة ترضى التانى.
  -نربى أولادنا على الأخلاق و الحرية و على معرفة الله حق المعرفة.
  -أشباع أحتياجتنا العاطفية و الجنسية بشكل يناسبنا و يسعدنا.
  -الأهتمام بصحتنا و أجسامنا و معاونة بعض على دة.
  -القبول التام من كل طرف لشكل الآخر و شكل جسمه.
  -التطوير من مستوى شغلنا بشكل دائم.
  -العيش بحرية بشكل يريح الطرفين.
  -ان شاء الله نتعاون من أجل أنقاذ حيوان الباندا.
  المهم تكتب اللى عاوز تحصل عليه فى الآخر من العلاقة.
  و أهم هدف يتحط على رأس القائمة (العيش فى مودة و رحمة و سكن).
  لأن دة الهدف الرئيسى اللى ربنا حطه فى الجواز للوصول بأرقى شكل للعلاقة.

  
  *** لكن هتحط صفات بعينها بحر واسع ممكن ميوصلكش أصلاً للشط اللى أنت عاوزة.
  *طيب هو كدة يعنى الشخص هيجى يحقق لى الأهداف دى؟
  أة طبعاً زى ما كنت بتنجذب لأشخاص كتير غير مناسبين بسبب برمجتك و فكرك القديم.
  تقدر تنجذب لشخص كينونة فكرة و معتقده و أهدافة من الزواج.
  و أعرف مش هتزرع جواك أناناس و تحصد براك قرع عسل.
  حط أهدافك و توكل على الحى الذى لا يموت هو هيبعت لك أنسب شخص ليك.

  
  

  #جرعة_من_جرعات_نور

  #للأنوثة_وعلاج_العلاقات